جنگ کا جاری رہنا اسرائیل کے لیے نقصان دہ ہے:ٹرمپ

جنگ کا جاری رہنا اسرائیل کے لیے نقصان دہ ہے:ٹرمپ

امریکی صدر ڈونلڈ ٹرمپ نے کہا ہے کہ اسرائیل کی جنگ پسندی خود اسی کے لیے نقصان دہ ثابت ہو رہی ہے اور بالآخر تل ابیب کو اس جنگ کو ختم کرنا پڑے گا۔

بین الاقوامی خبر رساں ادارے کے مطابق، ویب سائٹ ڈیلی کالر کو دیے گئے انٹرویو میں ٹرمپ نے کہا کہ اگرچہ اسرائیل جنگ میں وقتی طور پر کامیابی حاصل کر سکتا ہے، لیکن عالمی سطح پر اس کی ساکھ اور اثر و رسوخ کمزور ہوتا جا رہا ہے اور یہ اس کے لیے نقصان دہ ہے۔

انہوں نے یاد دلایا کہ تقریباً 15 سال قبل اسرائیل کو امریکہ میں سب سے طاقتور لابی کی حیثیت حاصل تھی، لیکن اب خاص طور پر کانگریس میں اس کی پوزیشن کمزور ہو چکی ہے۔

ٹرمپ نے اسی گفتگو میں یوکرین جنگ پر بھی تبصرہ کیا اور کہا کہ وہ سمجھتے تھے کہ اپنے ذاتی تعلقات کی بنیاد پر اس جنگ کو ختم کرنا آسان ہوگا، لیکن حقیقت اس کے برعکس نکلی۔ ان کے مطابق، امریکہ اس جنگ کو ختم کرنے کی صلاحیت رکھتا ہے، تاہم اس میں وقت لگے گا۔

انہوں نے یہ بھی واضح کیا کہ امریکہ یوکرین میں اپنے فوجی تعینات کرنے کا کوئی ارادہ نہیں رکھتا، البتہ بطور "سیکیورٹی گارنٹی” ممکن ہے فضائی معاونت فراہم کی جائے۔