جنوبی مقبوضہ علاقوں میں دو سال بعد ایمرجنسی کا خاتمہ

جنوبی مقبوضہ علاقوں میں دو سال بعد ایمرجنسی کا خاتمہ

اسرائیل کے وزیرِ دفاع نے دو سال سے جاری جنوبی مقبوضہ فلسطینی علاقوں میں نافذ ہنگامی صورتحال ختم کرنے کا اعلان کر دیا ہے۔ یہ ایمرجنسی اُس وقت نافذ کی گئی تھی جب ۷ اکتوبر ۲۰۲۳ کو فلسطینی مزاحمتی قوتوں نے طوفان الاقصیٰ آپریشن شروع کیا تھا۔

اسرائیلی میڈیا کے مطابق، وزیرِ دفاع اسرائیل کاتس نے اعلان کیا کہ اب پہلی بار دو سال بعد جنوبی علاقوں میں نافذ "خصوصی صورتحال” ختم کر دی جائے گی۔ یہ صورتحال فوج کے داخلی محاذ کے کمانڈ کو عوامی اجتماعات پر پابندی لگانے اور بعض علاقوں کو بند کرنے کے اختیارات دیتی تھی۔

یہ ہنگامی صورتحال ابتدا میں پورے مقبوضہ علاقوں میں نافذ کی گئی تھی، تاہم بعد ازاں اسے صرف جنوبی علاقوں تک محدود کر دیا گیا تھا۔ رپورٹ کے مطابق، یہ حکم کل ختم ہو جائے گا اور دو سال سے زائد عرصے بعد پہلی بار اسرائیل کے اندر کوئی فعال خصوصی صورتحال نہیں رہے گی۔

اسرائیلی وزیرِ دفاع نے ایک بیان میں کہامیں نے فوج کی سفارش قبول کرتے ہوئے فیصلہ کیا ہے کہ ۷ اکتوبر کے بعد پہلی بار داخلی محاذ میں نافذ خصوصی صورتحال ختم کی جائے۔انہوں نے مزید کہا کہ یہ اقدام جنوبی علاقوں میں "نئی سیکورٹی حقیقت” کی عکاسی کرتا ہے۔یہ فیصلہ ایسے وقت میں سامنے آیا ہے جب حماس اور اسرائیل کے درمیان جنگ بندی پر عمل درآمد شروع ہو چکا ہے۔