ہارورڈ یونیورسٹی کے طلبہ کے پیجر بھیجیں گے:سابق صیہونی وزیر اعظم  !  

سچ خبریں:اسرائیل کے سابق وزیر اعظم نے ہارورڈ یونیورسٹی کے طلبہ کی جانب سے فلسطین کے حق میں مظاہروں کے بعد اشتعال انگیز بیان بازی کرتے ہوئے کہا کہ ان کے لیے پیجر بھیجیں گے 

یہ بھی پڑھیں:امریکی یونیورسٹیوں میں احتجاج کی لہر

مرکز اطلاعات فلسطین کی رپورٹ کے مطابق سابق اسرائیلی وزیر اعظم نفتالی بینیٹ نے ہارورڈ یونیورسٹی میں اپنے خلاف ہونے والے مظاہروں پر اشتعال انگیز اور طنزیہ انداز میں ردعمل کا اظہار کرتے ہوئے کہا کہ ہم ان کے لیے پیجر بھیجیں گے!

 ہارورڈ یونیورسٹی کے طلبہ نے بینیٹ کی یونیورسٹی میں موجودگی کے خلاف مظاہرہ کیا اور اسرائیل کے جنگی جرائم کے خلاف نعرے بلند کیے۔

 مظاہرین نے اسرائیلی قبضے، نسل کشی اور فلسطینی عوام پر مظالم کے خلاف احتجاج کیا اور یونیورسٹی سے مطالبہ کیا کہ وہ بینیٹ کی دعوت کو منسوخ کرے۔

 طلبہ کا کہنا تھا کہ ہم ایسے جنگی مجرم کو اپنی درسگاہ میں قبول نہیں کرتے جو فلسطینیوں کے خلاف جارحیت میں ملوث ہے۔

 بینیٹ کے پیجر بھیجنے والے بیان کو اسرائیل کی پرانی سازشوں کی طرف اشارہ سمجھا جا رہا ہے۔

 یاد رہے کہ قابض صیہونی حکومت نے حال ہی میں لبنان میں حزب اللہ کے مجاہدین کو قتل کرنے کے لیے پیجر میں بارودی مواد نصب کر کے دھماکے کیے ہیں۔

 بینٹ کے اس بیان کو نہ صرف ایک طنز بلکہ ایک خفیہ دھمکی کے طور پر بھی دیکھا جا رہا ہے، جس سے ظاہر ہوتا ہے کہ اسرائیلی قیادت اب بھی اپنی پرانی گھناؤنی سازشوں پر یقین رکھتی ہے۔

 حالیہ مہینوں میں امریکہ اور یورپ کی جامعات میں اسرائیل مخالف مظاہروں میں تیزی آئی ہے۔

 ہارورڈ، ییل، کولمبیا، برکلے اور دیگر معروف امریکی یونیورسٹیوں کے طلبہ اسرائیلی جنگی جرائم کے خلاف مسلسل مظاہرے کر رہے ہیں۔

 یونیورسٹی انتظامیہ کو بھی شدید دباؤ کا سامنا ہے کیونکہ کئی طلبہ نے مطالبہ کیا ہے کہ اسرائیل کے جنگی مجرموں کو دعوت نہ دی جائے اور فلسطینی عوام کے حق میں واضح موقف اختیار کیا جائے۔

بینیٹ کے بیان سے اسرائیلی قیادت کی ذہنیت بے نقاب ہو گئی کہ وہ اب بھی مظلوم فلسطینیوں کے خلاف خطرناک ہتھکنڈے اپنانے کے لیے تیار ہے۔

مزید پڑھیں: امریکی طلباء کا غزہ میں اسرائیلی جرائم کے خلاف احتجاج

ہارورڈ اور دیگر امریکی جامعات میں فلسطینی کاز کے لیے حمایت میں اضافہ ہوا ہے اور یہ اسرائیل کے عالمی امیج کے لیے ایک بڑا دھچکا ہے۔

امریکی طلبہ کا احتجاج بین الاقوامی تحریک میں تبدیل ہو سکتا ہے، جو امریکہ کی خارجہ پالیسی پر بھی اثر ڈال سکتا ہے۔