جنرل قاسم سلیمانی کے بارے میں یورپی پارلیمنٹ ممبر کا اظہار خیال

🗓️ 29 دسمبر 2021

سچ خبریں:یورپی پارلیمنٹ میں آئرش نمائندے نے امریکی جرائم کے سلسلہ میں عالمی برادری کی خاموشی پر تنقید کرتے ہوئے جنرل قاسم سلیمانی کو عراق میں داعش کے خلاف جنگ میں لڑنے والی صف اول کی شخصیت قرار دیا۔
یورپی پارلیمنٹ میں آئرش کے نمائندے مائیک والیس نے ٹویٹ کیا کہ شہید جنرل حاج قاسم سلیمانی وہ شخص تھے جنہوں نے عراق میں داعش کو شکست دینے کے لیے سب سے زیادہ کام کیا،یادرہے کہ ان کا یہ تبصرہ بیلجیم میں اسلامی جمہوریہ ایران کے سفارت خانے کے اس ٹویٹ کا ردعمل ہے جس میں جنرل سلیمانی کی شہادت کی دوسری برسی کے موقع پر ایک ویڈیو جاری کی گئی تھی اور لوگوں کو اسے دیکھنے کی دعوت دی گئی تھی۔

واضح رہے کہ اس مختصر ویڈیو میں اس شہید کی وصیت کے کچھ فقرے کوڈ کیے گئے ہیں جوسامعین کے سامنے ان کی بہادری اور جدوجہد کی تفصیل پیش کرتے ہیں، ایرانی سفارت خانے کی ٹویٹ کا جواب دیتے ہوئے والیس نے لکھاکہ امریکہ اور اس کے اتحادی داعش کے عروج اور دہشت گرد گروہوں کو مسلح کرنے کے ذمہ دار ہیں جبکہ عراق میں آئی ایس آئی ایس کو شکست دینے کے لیے جنرل سلیمانی کی طرح کسی نے بھی کوشش نہیں کی، تاہم عالمی برادری کی طرف سے ان کے قتل کی مذمت کہیں دیکھنے کو ملی۔

یادرہے کہ یہ یہ پہلا موقع نہیں ہے جب والیس نے امریکہ کے لیے تنقیدی اور قابل مذمت رویہ اختیار کیا ہو، وہ پہلے ہی امریکی عسکریت پسندی پر کڑی تنقید کرتے ہوئے ٹویٹ کر چکے ہیں اور امریکی سامراج کے خاتمے کا مطالبہ کر چکے ہیں۔