ترکی کے استنبول ہوائی اڈے پر امریکی سفارتکار گرفتار

🗓️ 22 دسمبر 2021

سچ خبریں:ترک سکیورٹی حکام نے استنبول کے ہوائی اڈے پر امریکی قونصلر سفارتکار کی گرفتاری کا اعلان کیا۔
ترکی کے استنبول سکیورٹی ڈائریکٹریٹ نے ایک بیان میں اعلان کیا ہے کہ جعلی پاسپورٹ کے ساتھ شامی شہریت رکھنے والا شخص 11 دسمبر بروز منگل 17:00 بجے استنبول کے ہوائی اڈے پر جرمنی جانے کا منصوبہ بنا رہا تھا جب اسے گرفتار کر لیا گیا، اس نے اعتراف کیا کہ اسے پاسپورٹ بیروت میں امریکی قونصلیٹ کے ملازم سے حاصل کیا ہے۔

استنبول ایئرپورٹ پر لگے کیمروں سے یہ بھی انکشاف ہوا ہے کہ امریکی نے استنبول ایئرپورٹ پر اس شخص کو جعلی پاسپورٹ دیا تھا اور اس سے رقم وصول کی تھی، اور اس نے اس کے ساتھ اپنے کپڑے بھی بدلے تھےجبکہ استعمال شدہ پاسپورٹ سفارتی تھا۔

بیان میں کہا گیا ہے کہ دونوں افراد کو گرفتار کر لیا گیا ہےجبکہ امریکی کے پاس سے سفارتی پاسپورٹ اور 10000 ڈالر نقد برآمد ہوئے اور اسے جیل بھیج دیا گیا۔