ترکی کی ثالثی سے مصری وزیر خارجہ کا شام کا ممکنہ دورہ

?️ 28 دسمبر 2024

سچ خبریں:شامی اخبار نے انکشاف کیا ہے کہ ترکی کی مداخلت سے مصر کے وزیر خارجہ کے شام کے قریب الوقوع دورے کی منصوبہ بندی کی جا رہی ہے۔

شامی روزنامہ الوطن کی رپورٹ کے مطابق، مصر کے وزیر خارجہ بدر عبدالعاطی دمشق کے دورے اور اس ملک پر حکمراں دہشت گرد گروپ تحریر الشام کے سربراہ ابومحمد الجولانی سے ملاقات کے لیے تیاری کر رہے ہیں۔

یہ بھی پڑھیں: مصریوں کے لیے نیتن یاہو کا پیغام

تحریر الشام کے زیر کنٹرول دہشت گردوں سے وابستہ آپریشن روم نے اعلان کیا ہے کہ یہ دورہ ترکی کی ثالثی کے تحت انجام دیا جائے گا۔

اس سے قبل، مصری وزیر خارجہ نے شام میں ایک جامع سیاسی عمل کے قیام اور کسی بھی گروپ یا فرقے کو نظرانداز نہ کرنے کی اہمیت پر زور دیا تھا۔

مزید پڑھیں: اسرائیل شام اور مصر سمیت دیگر علاقوں پر قبضے کے خواب دیکھ رہا ہے:عبدالملک الحوثی

گزشتہ چند ہفتوں کے دوران مصر نے شام کے حکمران عناصر کے ساتھ کسی خاص تعاون کا اعلان نہیں کیا بلکہ مصری میڈیا نے تحریر الشام کے دہشت گردوں کے حملوں کی مذمت کی تھی لیکن اب ترکی کے ذریعہ ان سے تعلقات بڑھانے کی کوشش کر ہا ہے۔