ترکی کا ایک بار پھر عراق پر حملہ

4 اگست 2022

سچ خبریں:ترکی نے پی کے کے کو کچلنے کے بہانے ایک بار پھر عراق پر اپنے توپ خانے سے حملہ کیا۔
ترکی پی کے کے کی سرکوبی کے بہانے عراق کی ارضی سالمیت کی مسلسل خلاف ورزی کر رہا ہے،تازہ ترین جارحیت میں گزشتہ شب ترکی کے توپ خانوں نے عراقی کردستان کے صوبہ دھوک کے علاقے لاتکا میں گولے داغے۔ جبکہ اس سے قبل بدھ کی صبح اسی صوبے کے امیدی علاقے پر ترکی کے جنگی طیاروں نے بمباری کی۔

یاد رہے کہ عراقی حکام ترکی سے بارہا مطالبہ کیا ہے کہ وہ اس قسم کی کارروائیاں نہ کرے لیکن انقرہ ان مطالبات پر کوئی توجہ نہیں دیتا اور اپنے حملوں کی وجہ پی کے کے کا مقابلہ کرنا بتاتا ہے جبکہ علاقے کے ماہرین اور تجزیہ نگاروں کا کہنا ہے کہ ترکی کے اہداف کچھ اور ہیں ترکی نے پی کے کے کا پیچھا کرنے کے بہانے شمالی عراق پر حملوں کا نیا سلسلہ شروع کیا ہے ۔

واضح رہے کہ ترکی کے زیادہ تر حملے کردستان کے متینا ، الزاب ، آفشین اور باسیان علاقوں میں ہوتے ہیں اگرچہ اس نے صوبہ نینوا کے سنجار جیسے علاقوں کو بھی اپنے حملوں کا نشانہ بنایاہے، قابل ذکر ہے کہ ترکی شمالی عراق بالخصوص دھوک کے علاقے پر فضائی حملے کے ساتھ ساتھ جو اس علاقے کے عوام کی مہاجرت کا باعث بنا ہے، عراق کے اندر بھی فوجی کارروائیاں کر رہا ہے۔