بے قابو آگ؛ گرمیوں میں یونان کا ڈراؤنا خواب

🗓️ 8 اگست 2021

سچ خبریں:یونان کے جنگلات میں آتشزدگی جو کل تک پانچویں روز بھی بے لگام رہی ، نے ایوا کے دوسرے بڑے جزیرے پرواقع اس ملک کے کچھ حصوں کو جلا دیاجس کی وجہ سے سینکڑوں لوگ اپنے گھروں کو خالی کرنے پر مجبور ہو گئے ہیں ، اور رہائشی آگ بجھانے والے فائر فائٹرز کی مدد کے لیےمیدا میں آئے ہیں۔

روئٹرز نیوز ایجنسی کی رپورٹ کے مطابق یونان کے دارالحکومت ایتھنز کے مشرق میں منگل کو شروع ہونے والی آگ کئی سمتوں سے تیزی سے پھیل رہی ہے ، جو ملک کے شمال میں ہزاروں ہیکٹر جنگل کو اپنی لپیٹ میں لے رہی ہے ، جس سے درجنوں دیہاتوں کے رہائشی اپنے گھر خالی کرنے پر مجبور ہو گئے ہیں اورصورتحال بہت مشکل ہے ۔

وسطی یونان کے گورنر فانیس اسپانوس نے اسکائی ٹی وی کو انٹرویو دیتے ہوئے کہاکہ آگ جو 30 سالوں میں گرمی کی بدترین لہر کی یاد دلاتی ہے ، اس ملک کے کئی حصوں میں شروع ہوئی جن نے جنگل کے علاوہ گھروں ، کاروباری اداروں اور جانوروں کو تباہ کر دیا۔

یونانی وزیر اعظم کیریاکوس مٹسوٹاکیس نے اپنے ملک میں لگنے والی آگ کو "موسم گرما کا ڈراؤنا خواب” قرار دیا اور کہا کہ حکومت کی پہلی ترجیح انسانی جانوں کا تحفظ ہے۔

واضح رہے کہ ایتھنز کے مضافات میں تیز ہواؤں کی وجہ سے ٹریکامکڈون شہر کو بھی آگ نے اپنی لپیٹ میں لے لیاہے ،جس کے بعد اس کے شہر کو خالی کرنے کا حکم دیا گیا ہےجبکہ یونانی دارالحکومت ایتھنز پر دھویں کے بادل چھا گئے ہیں ۔

یادرہے کہ ، یونان کے پڑوسی ملک ترکی کے صدر رجب طیب اردگان کا کہنا ہے کہ ان کے ملک کو اپنی تاریخ کی بدترین آگ کا سامنا ہے جو کل تک اس ملک کے پانچ حصوں میں بھڑکتی رہی۔

یادرہے کہ یونان نے آگ پر قابو پانے کے لیے فوج کا استعمال کیا ہے اور اسے کئی ممالک بشمول قبرص ، فرانس ، جرمنی اور صیہونی حکومت سے امداد ملی ہے، جرمنی کا کہنا ہے کہ اس نے آگ پر قابو پانے کے لیے فائر فائٹرز اور گاڑیاں بھیجی ہیں جن کے اگلے دو یا دو دن کے اندر یونان پہنچنے کی توقع ہے۔