?️
سچ خبریں: برازیل کے صدر اور صیہونی حکام کے درمیان کشیدگی کے بعد بولیویا کے سابق صدر نے برازیل کے صدر کے ساتھ اظہار یکجہتی کرتے ہوئے کہا کہ بچوں کو قتل کرنے والی حکومت کے لیے نفرت انگیز قرار پانا ایک اعزاز ہے۔
بولیویا کے سابق صدر ایوو مورالیس نے غزہ کے عوام کی حمایت کی وجہ سے صہیونیوں کے حملے کا نشانہ بننے والے برازیل کے صدر لولا ڈا سلوا کے ساتھ یکجہتی کا اظہار کرتے ہوئے کہا کہ بچوں کی قاتل اور نسل کشی کرنے والی حکومت کے لیے یہ اعزاز ہے کہ نفرت انگیز قرار دیا جائے۔
یہ بھی پڑھیں: امریکی کمپنیوں نے فلسطینیوں کو قتل کرنے کے لیے اربوں ڈالر کے ہتھیار فروخت کیے
X سوشل نیٹ ورک پر ایک پیغام شائع کرتے ہوئے، مورالس نے ڈا سلوا کو لکھا کہ ہمارے بھائی ڈا سلوا کے ساتھ ہماری یکجہتی کا اعلان کیا جاتا ہے، جسے اسرائیلی حکومت کی جانب سے غیر منصفانہ طور پر ناپسندیدہ شخص قرار دیا گیا ہے کیونکہ انہوں نے فلسطینی عوام کی جان اور عزت کا دفاع کیا نیز ان کی نسل کشی کی مخالفت کی۔
انہوں نے اس بات پر زور دیا کہ صیہونی حکام کے لیے نفرت انگیز ہونا اور بچوں کی نسل کشی اور قتل عام کرنے والی حکومت قرار دیا جانا ایک اعزاز ہے جو بین الاقوامی برادری اور دنیا کے لوگوں کے سامنے زندگی اور امن کے عزم کی تصدیق کرتا ہے۔
یاد رہے کہ برازیل اور صیہونی حکومت کے درمیان کشیدگی کے باعث برازیل کے صدر لولا دا سلوا کے صیہونی مخالف بیان کے بعد پیر کے روز تل ابیب میں اسملک کے سفیر کو طلب کیا۔
غزہ جنگ کے حوالے سے برازیل اور اسرائیلی حکومت کے درمیان سیاسی کشیدگی میں اضافے اور اس حکومت کے عہدیداروں کے برازیل کے صدر کے خلاف بیانات کے بعد اس ملک کی حکومت نے اپنے سفیر کو تل ابیب سے واپس بلا لیا۔
یہ کاروائی اسرائیل کے وزیر خارجہ یسرائیل کیٹس کی جانب سے غزہ میں اس حکومت کی جنگ کا برازیل کے صدر کی طرف سے "اڈولف ہٹلر” کے اقدامات سے موازنہ کرنے کے خلاف احتجاج میں انہیں "ناپسندیدہ عنصر” قرار دینے کے بعد کیا گیا ہے۔
برازیل کے صدر کے مشیر نے ڈا سلوا کے خلاف صیہونی حکومت کے اقدام کو مضحکہ خیز قرار دیا ہے۔
برازیل کے صدر لوئیز اناسیو لولا ڈا سلوا نے ادیس ابابا میں افریقی یونین کے سربراہی اجلاس میں صحافیوں کو بتایا کہ غزہ کی پٹی میں جو کچھ ہو رہا ہے وہ جنگ نہیں ہے بلکہ نسل کشی ہے اور نازی جرمنی کے رہنما ایڈولف ہٹلر کے اقدامات کی یاد تازہ کرتی ہے۔
مزید پڑھیں: UNRWA کو مالی امداد کی معطلی اور فلسطینیوں کی نسل کشی میں سہولت کاری
برازیل کے صدر نے بعض ممالک کی طرف سے فلسطینی پناہ گزینوں کی امداد کرنے والی ایجنسی (UNRWA) کی امداد کی معطلی پر تنقید کرتے ہوئے کہا کہ ان لوگوں کی انسانی امداد کو معطل نہ کریں جو کئی دہائیوں سے اپنے ملک کی تعمیر کے لیے کوشاں ہیں،صیہونی ایک فوج کے ساتھ نہیں لڑ رہے ہیں جبکہ دانتوں تک مسلح قابض فوج خواتین اور بچوں کے ساتھ لڑ رہی ہے۔
مشہور خبریں۔
ایران کے جوہری بم بنانے کے منظم اقدام کا کوئی ثبوت نہیں: گروسی
?️ 21 جون 2025سچ خبریں: ڈائریکٹر جنرل آف دی انٹرنیشنل ایٹامک انرجی ایجنسی (IAEA) نے سی
جون
قطر کے سابق وزیر اعظم کی عرب ممالک کو ایران کے ساتھ تعاون پر تاکید
?️ 2 مارچ 2023سچ خبریں:حماد بن جاسم الثانی نے بلومبرگ نیٹ ورک کے ساتھ بات
مارچ
پی ٹی آئی کا حکومتی بریفنگ میں شرکت سے انکار پر عظمی بخاری شدید ردعمل
?️ 4 مئی 2025لاہور (سچ خبریں) وزیر اطلاعات پنجاب عظمی بخاری نے پی ٹی آئی
مئی
بغداد میں امریکی سفارت خانے کا خطرناک مشن
?️ 13 دسمبر 2021سچ خبریں:عراق میں امریکی سفارت خانہ کا مشن سفارتکاری سے زیادہ فوجی
دسمبر
وزارت خزانہ نے پانچ لاکھ ٹن گندم درآمد کرنے کی اجازت دے دی
?️ 1 اکتوبر 2021اسلام آباد(سچ خبریں) وزارت خزانہ کی جانب سے جاری اعلامیے کے مطابق اقتصادی
اکتوبر
آٹا اسکیم میں 20 ارب روپے کی کرپشن کا اندازہ درحقیقت کم ہے، شاہد خاقان عباسی
?️ 2 مئی 2023اسلام آباد:(سچ خبریں) سابق وزیر اعظم اور پاکستان مسلم لیگ (ن) کے
مئی
اندرونی تباہی سے عالمی رسوائی تک؛غزہ جنگ کے صہیونیوں پر اثرات
?️ 25 جنوری 2025سچ خبریں:غزہ پر قابض اسرائیلی حکومت کی جنگ کے خاتمے اور جنگ
جنوری
کیا امریکہ حماس کو روک پائے گا ؟
?️ 20 جنوری 2025سچ خبریں: اسرائیلی چینل 14 نیوز ایجنسی نے کہا ہے کہ غزہ
جنوری