بن زائد کی نیتن یاہو کو عجیب پیشکش

?️ 14 مئی 2021

سچ خبریں:برسلز میں یوروپی انسٹی ٹیوٹ آف یورپی لاء اینڈ انٹرنیشنل ریلیشنس کے سربراہ نے دعوی کیا ہے کہ ابو ظہبی کے ولی عہد شہزادہ بن زائد  نے غزہ پر زمینی حملے کے بارے میں اسرائیلی وزیر اعظم کو ایک تجویز پیش کی ہے۔
فلسطین الان کی رپورٹ کے مطابق برسلز میں بین الاقوامی قانون کے ماہر اور یوروپی انسٹی ٹیوٹ آف یوروپی لاء اینڈ انٹرنیشنل ریلیشنس کے سربراہ محمود رفعت نے دعوی کیا ہے کہ ابو ظہبی ولی عہد شہزادہ محمد بن زائد نے اسرائیلی وزیر اعظم بنیامین نیتن یاہو کو غزہ سے متعلق ایک تجویز پیش کی ہے ، رپورٹ کے مطابق محمد بن زائد نے، آج اسرائیل کے لئے نیتن یاہو کو کرائے کے فوجی بھیجنے کی پیش کش کی ہے جس طرح جو دہشتگرد یمن میں لڑ رہے ہیں اور متحدہ عرب امارات کے ذریعہ انھیں مالی اعانت فراہم کی جار ہی ہے ۔

فلسطین الان کے مطابق یہ دعویٰ اس وقت سامنے آیا جب اے ایف پی سمیت کچھ اخباری ذرائع نے بتایا کہ اسرائیلی فوج نے غزہ کی پٹی میں زمینی کاروائی کا آغاز کیا ہے، اس رپورٹ کے شائع ہونے کے چند لمحوں بعد صہیونی میڈیا نے غزہ کی پٹی میں زمینی کاروائیوں کے آغاز سے متعلق ذرائع کی اس رپورٹ کی تردید کرتے ہوئے وضاحت کی ہے کہ اسرائیلی فوج نے صرف غزہ کی پٹی کے خلاف زمینی اور فضائی بمباری کے آغاز کا اعلان کیا ہے۔

یادرہے کہ متحدہ عرب امارات اور صہیونی حکومت نے سابق امریکی صدر ڈونلڈ ٹرمپ کی وساطت سے 15 ستمبر 2020 کو تعلقات معمول پر لانے کے معاہدے پر باضابطہ طور پر دستخط کیے جس کے بعد یہ عرب ریاست صیہونیوں کی تفریح گاہ بن گئی ہے اور وہ ایسے کام جو اسرائیل میں نہیں کر سکتے ہیں یہاں آکر کھلے عام انجام دیتے ہیں جن میں منشیات کا استعمال اور متحدہ عرب کے قوانین کو پیروں تلے روندھنا بھی شامل ہے اس کے لیے حال ہی میں سیاحوں کے لباس میں متعدد صیہونیوں جاسوس بھی اس ملک سے پکڑے گئے ہیں۔