بن زائد کے بارے میں نیتن یاہو کا اہم انکشاف

بن زائد

?️

سچ خبریں:صہیونی وزیر اعظم کا کہناہے کہ ابو ظہبی کے ولی عہد شہزادہ نے اس حکومت کے سرمایہ کاری منصوبوں میں حصہ لینے کے لئے اپنی تیاری کا اعلان کیا ہے۔
القدس العربی ویب سائٹ کی رپورٹ کے مطابق صہیونی وزیر اعظم کا کہناہے کہ ابو ظہبی کے ولی عہد شہزادہ مقبوضہ علاقوں میں کئی ملین ڈالر کی سرمایہ کاری کے لئے تیار ہیں ،واضح رہے کہ بنیامین نیتن یاھو نے پیر کے روز اسرائیلی فوج کے ریڈیو کو انٹرویو دیتے ہوئے اعلان کیا کہ محمد بن زائد نے مقبوضہ علاقوں میں 40 ارب شیکل (12 ملین ڈالر) کی سرمایہ کاری کرنے کے لئے رضاکارانہ طور پر اعلان کیا ہے۔

اسرائیلی وزیر اعظم نے مزید کہا کہ ابوظہبی کے ولی عہد شہزادہ نے انہیں بتایا تھا کہ وہ ایسے منصوبوں میں حصہ لینا چاہتے ہیں جو کورونا کے بعد اسرائیلی معیشت کو مستحکم بنائیں گے، اسرائیلی وزیر اعظم کے اس بیان پر متحدہ عرب امارات کے عہدیداروں کی طرف سے ابھی تک کوئی سرکاری بیان سامنے نہیں آیا ہے، اسی اثنا میں نیتن یاہو نے جمعہ کے روز متحدہ عرب امارات کا دوسرا دورہ بے بنیادوجوہات کی بناء پر منسوخ کردیا،یادرہے کہ متحدہ عرب امارات نے مقبوضہ علاقوں میں پہلے ہی 10 ارب ڈالر کی سرمایہ کاری فنڈ قائم کیا ہے۔

یروشلم میں صہیونی میڈیا نےاس فنڈ کے افتتاح کو بنیامین نیتن یاہو اور محمد بن زائد کے مابین ایک فون کال کا نتیجہ قرار دیا، در ایں اثنا صہیونی حکومت کے وزیر اعظم نے اس فنڈ کے قیام کے اقدام کو ابو ظہبی کے صیہونی اقتصاد کو مضبوط کرنے کے رجحان کی طرف منسوب کیا،یادرہے کہ مقبوضہ علاقوں میں متحدہ عرب امارات کے 10 بلین ڈالر کے سرمایہ کاری فنڈ کی تشکیل کو ابوظہبی تل ابیب کے ساتھ سمجھوتہ کی روشنی میں تازہ ترین پیش رفت سمجھا جاتا ہے۔

یادرہے کہ متحدہ عرب امارات کے ایڈوانسڈ ڈیفنس ٹکنالوجی گروپ (ای ڈی جی ای) نے حال ہی میں اسرائیلی ایرو اسپیس کمپنی جو ایرو اسپیس میں مہارت رکھتی ہے ،کے ساتھ مفاہمت کی یادداشت پر دستخط کیے جس کا مقصد ڈرونز کا مقابلہ کرنے کے لئے ایک جدید نظام تیار کرنا ہے، واضح رہے کہ گذشتہ سال ستمبر میں صہیونی حکومت اور متحدہ عرب امارات نے واشنگٹن میں سابق امریکی صدر ڈونلڈ ٹرمپ کی نگرانی میں امن معاہدے پر دستخط کیےجس کو فلسطینی عوام کے حقوق کی صریح خلاف ورزی سمجھا جا رہا ہے۔

 

مشہور خبریں۔

وزیر خارجہ کا چین کے ہم منصب سے ٹیلی فونک رابطہ

?️ 16 مئی 2021اسلام آباد(سچ خبریں) وزیر خارجہ مخدوم شاہ محمود قریشی اور چین کے

نیٹو اور یورپی یونین کے خلاف پراگ میں دسیوں ہزار افراد کا مظاہرہ

?️ 4 ستمبر 2022سچ خبریں:   چیک ریپبلک کے ہزاروں لوگ ہفتہ کے روز سڑکوں پر

صیہونی جرائم فلسطینی مزاحمت کو نہیں روک سکتے: جہاد اسلامی

?️ 6 دسمبر 2021سچ خبریں:فلسطین کی جہاد اسلامی تحریک نے ایک بیان میں صیہونیوں کی

سپریم کورٹ نے عادل بازئی کو ڈی سیٹ کرنے کا فیصلہ کالعدم قرار دے دیا

?️ 12 دسمبر 2024 اسلام آباد: (سچ خبریں) سپریم کورٹ نے این اے 262 کوئٹہ

اپنی حد میں رہو؛ عراقی سیاسی مبصر کا برطانوی سفیر سے خطاب

?️ 26 جنوری 2021سچ خبریں:عراق کے ایک سیاسی تجزیہ کار نے عراق میں برطانوی سفیر

ٹرمپ جلد غزہ میں جنگ بندی کا اعلان کریں گے؛صہیونی میڈیا کا دعویٰ

?️ 26 مئی 2025 سچ خبریں:صہیونی ذرائع ابلاغ نے دعویٰ کیا ہے کہ امریکی صدر

ہمارا موقف شام کی خودمختاری کا تحفظ ہے: اردگان

?️ 3 دسمبر 2024سچ خبریں: ترک صدر رجب طیب اردگان نے کہا کہ ہم شام

میں مناظره کے دوران تقریباً سو رہا تھا: بائیڈن

?️ 3 جولائی 2024سچ خبریں: امریکی صدر جو بائیڈن نے ریپبلکن حریف ڈونلڈ ٹرمپ کے ساتھ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے