بغداد میں13دہشتگرد گرفتار

7 فروری 2021

سچ خبریں:عراقی انٹیلی جنس اورسکیورٹی ایجنسی نےاس ملک کے دارالحکومت بغداد میں داعش کے 13 دہشت گردوں کی گرفتاری کا اعلان کیا۔
عراقی انٹیلی جنس اور سکیورٹی ایجنسی نے ایک بیان میں کہا ہے کہ بغداد میں داعش کے 13 دہشت گردوں کو گرفتار کیا گیا ہے، بیان میں کہا گیا ہےکہ بغداد میں داعش عناصر کا پیچھا کرنے کے لئے انٹیلی جنس ایجنسیوں کےساتھ ہم آہنگی سے ، وزارت داخلہ میں وفاقی پولیس اور بغداد انٹلی جنس کی دو خفیہ ایجنسیوں کی فورسز نے صوبے کے مختلف علاقوں میں 13 داعش دہشت گردوں کو گرفتار کرنے میں کامیابی حاصل کی۔

المعلومہ ویب سائٹ کی رپورٹ کے مطابق دہشت گردوں کو انسداد دہشت گردی کے قانون کے آرٹیکل 4 کے تحت گرفتار کیا گیا اور داعش سے وابستہ ہونے کی وجہ سے ان کی گرفتاری کا وارنٹ جاری کیا گیا تھا، بیان میں کہا گیا ہے کہ یہ دہشت گرد کرکوک ، نینوا ، شمالی بغداد اور دجلہ کے مختلف علاقوں میں فرضی ناموں کے ساتھ دہشتگردانہ کاروائیوں میں مصروف تھے۔

واضح رہے کہ اگر چہ عراقی حکومت نے تین سال قبل اس ملک سے داعش کے خاتمہ کا اعلان کیا کردیاتھا تاہم اس دہشتگرد تنظیم کے باقی ماندہ عناصر ملک کے مختلف حصوں میں آئے دن کاروائیاں کرتے رہتے ہیں اور کبھی عوام کو اور کبھی ملک کی ممتاز سیاسی ،سماجی اور علمی شخصیات کو نشانہ بناتے رہتے ہیں،قابل ذکر ہے کہ عراق میں سرگرم دہشتگردوں کو امریکہ اور دیگر سامراجی طاقتوں کو مکمل پشت پناہی حاصل ہے تاکہ وہ ان کا سہارہ لے کراس ملک میں غیر ملکی افواج کی غیر قانونی موجودگی کو زیادہ سے زیادہ طول دے سکیں اور یہاں کے قدرتی ذخائر کو لوٹ سکیں جبکہ عراقی پارلیمنٹ ایک سال قبل اس ملک سے غیر ملکی افواج کے فوری طور پر انخلا کے لیے ایک قانون بھی پاس کر چکی ہے تاہم امریکہ نے ابھی تک اس پر عمل درآمد نہیں ہونے دیا ہے۔