برطانوی وزیر اعظم کے ہاتھوں روسی صدر کی توہین؛پیوٹن کا شدید رد عمل

🗓️ 3 جولائی 2022

سچ خبریں:روسی صدر نے نیٹو اور گروپ آف سیون کے اجلاس کے موقع پر برطانوی وزیر اعظم کے ہاتھوں کی جانے والی توہین پر شدید ردعمل کا اظہار کیا۔
روئٹرز نیوز ایجنسی کی رپورٹ کے مطابق روسی صدر ولادیمیر پیوٹن نے گروپ آف 7 اور نیٹو کے اجلاس کے موقع پر برطانوی وزیر اعظم بورس جانسن کےمضحکہ خیز بیانات پر ردعمل کا اظہار کیا،رپورٹ کے مطابق پیوٹن نے جانسن کے اس مضحہ خیز دعوے کے جواب میں کہ اگر پیوٹن عورت ہوتی تو وہ کبھی یوکرین پر حملہ نہ کرتی، برطانیہ میں مارگریٹ تھیچر کی وزارت عظمیٰ کے دوران ارجنٹائن کے جزائر فاک لینڈ پر برطانوی حملے کو یاد کیا۔

پیوٹن نے کہا کہ میں حالیہ تاریخ کے واقعات کو یاد کرنا چاہوں گا، جب مارگریٹ تھیچر نے جزائر فاک لینڈ میں ارجنٹائن کے خلاف فوجی آپریشن شروع کرنے کا فیصلہ کیا، جو ایک برطانوی خاتون تھیں، روسی صدر نے مزید کہا کہ لہذا آج جو کچھ ہو رہا ہے اس کے بارے میں برطانوی وزیر اعظم کے بیانات زیادہ درست نہیں ہیں، جزائر فاک لینڈ کہاں ہیں اور برطانیہ دنیا کے کس حصے میں ہے؟

انہوں نے کہا کہ تھیچر کے اقدامات سامراجی عزائم اور اس کے سامراجی موقف کی تصدیق کی خواہش کے سوا کچھ نہیں تھے، دوسری جانب باویریا کے پہاڑوں میں جی 7 اجلاس میں جانسن نے روس کے پہاڑوں میں بغیر شرٹ کے اور گھوڑے پر سوار پیوٹن کی تصویر کا بھی مذاق اڑایا۔