سچ خبریں:امریکی صدر کے مقبوضہ علاقوں کے دورے کے موقع پر صیہونی وزارت جنگ نے اپنی تیاری اور دفاع کی مختلف پرتوں کو فعال کرنے کا اعلان کیا ہے۔
صیہونی وزارت جنگ نے امریکی صدر کی میزبانی کے لیے اپنی مکمل تیاری کا اعلان کیا ہے جو مقبوضہ فلسطین کا دورہ کرنے آئے ہیں، ہارٹیز ویب سائٹ کے مطابق اسرائیلی وزارت جنگ نے منگل کو اعلان کیا کہ وہ امریکی صدر جو بائیڈن کو بین گوریون بین الاقوامی ہوائی اڈے پر خوش آمدید کہنے کے لیے تیار ہے۔
رپورٹ کے مطابق یہ وزارت ہوائی اڈے پر بائیڈن کے استقبال کی تقریب میں سکیورٹی فراہم کرنے کی ذمہ دار ہے،اس ہوائی اڈے میں سیکڑوں شرکاء کی رہائش کے لیے ایک محفوظ کمپلیکس بنایا گیا ہے جس میں مختلف حکام اور صحافی شامل ہیں،معین کردہ علاقے میں سرخ قالین، 150 نشستیں، رپورٹرز اور فوٹوگرافروں کے لیے ایک اسٹیج، اور تقریروں کے لیے ایک اسٹیج بھی شامل ہے۔
بائیڈن کی آمد کے بعد صیہونی وزارت جنگ کے میزائل دفاعی یونٹ کئی میزائل سسٹم کی ہدایت کریں گے جن میں "پیکان”، "فلاکان ڈیوڈ”، اور "آئرن ڈوم” شامل ہیں، واضح رہے کہ کچھ عرصہ قبل صیہونی حکومت کے اعلیٰ پولیس عہدہ دار نے کہا تھا کہ تل ابیب جو بائیڈن کے مقبوضہ فلسطین کے دورے کے دوران ممکنہ حملوں کا مقابلہ کرنے کی تیاری کر رہا ہے۔
