ایرانی واقعی قابل ہیں اور ان کے پاس اچھے سائنسداں ہیں: اولمرٹ

?️ 16 مارچ 2022

سچ خبریں:  ایہود اولمرٹ نے واشنگٹن پوسٹ کو بتایا کہ ایرانی واقعی قابل لوگ ہیں، اس لیے جب وہ کہتے ہیں ہم اسرائیل کو تباہ کرنا چاہتے ہیں تو ہمیں بہت محتاط رہنا چاہیےان کے پاس بہت طاقتور سائنسداں ہیں اور وہ کسی تیسری دنیا کے ملک نہیں ہیں۔

انہوں نے یہ ریمارکس پیر کے روز اسرائیلی ویب سائٹس اور انفراسٹرکچر پر بڑے پیمانے پر سائبر حملے کے بارے میں ایک میزبان کے سوال کے جواب میں کہے اور ان حملوں کا الزام ایران کو ٹھہرایا۔

اولمرٹ نے کہا کہ اسرائیل کو ذمہ داری قبول کیے بغیر خفیہ کارروائیوں کی صورت میں ایران کو جواب دینا چاہیے میں نہیں سمجھتا کہ مجھے اس پر مزید تفصیل بتانے کی ضرورت ہے۔

سابق اسرائیلی وزیر اعظم نے کہا کہ میں اوباما کے دور میں ایران کے ساتھ امریکی جوہری معاہدے کا حامی تھا کیونکہ میں سمجھتا تھا کہ یہ ایران کو جوہری ہتھیار حاصل کرنے سے روک سکتا ہے۔ لیکن معاہدے سے دستبردار ہونے والے ڈونلڈ ٹرمپ سے بڑی غلطی ہو گئی۔ میں اب بھی محسوس کرتا ہوں کہ جو بائیڈن اسرائیل کی سلامتی کا کافی خیال رکھتے ہیں وہ یقیناً نہیں چاہتا کہ ایران ایٹمی طاقت بنے۔