اکثر فلسطینی خلعِ سلاح کی شدید مخالفت کرتے ہیں

?️ 30 اکتوبر 2025

اکثر فلسطینی خلعِ سلاح کی شدید مخالفت کرتے ہیں

 ایک تازہ سروے کے نتائج سے معلوم ہوا ہے کہ اکثریت فلسطینی اس بات کی سخت مخالفت کرتی ہے کہ مزاحمتی قوتوں کو خلعِ سلاح کیا جائے، چاہے وہ جنگ کے ازسرِ آغاز کو روکنے کی شرط ہی کیوں نہ ہو۔

سروے کے مطابق 70 فیصد فلسطینی واضح طور پر اس خیال کے خلاف ہیں کہ مزاحمت سے اسلحہ چھینا جائے، اور سات اکتوبر کو ہونے والی کارروائی طوفانِ الاقصی کی حمایت فلسطینی عوام میں بڑھتی ہوئی دیکھی گئی ہے۔

یہ سروے 22 تا 25 اکتوبر 2025  کو غزہ پٹی اور مغربی کنارے میں کیے گئے انفرادی، آن لائن اور فون انٹرویوز کی بنیاد پر کیا گیا۔ اس میں کل 1,270 افراد شامل تھے جن میں 830 جواب دہندگان مغربی کنارے کے 83 علاقوں اور 440 جواب دہندگان غزہ کے 44 علاقوں سے شامل تھے؛ سروے کی مارجن آف ایرر تقریباً 3.5 فیصد بتائی گئی ہے۔
تحلیل کاروں کا ماننا ہے کہ اگر غزہ میں مزاحمتی گروہوں کو خلعِ سلاح کر دیا جائے تو یہ دفاعی دیوار کے ٹوٹنے کے مترادف ہوگا اور قابض ریاست کو فلسطینی عوام کے خلاف بلا روک ٹوک کارروائی، محاصرہ اور آبادیاتی تبدیلیاں کرنے کی آزادی مل سکتی ہے۔

انہیں خدشات کے پیشِ نظر کہا جا رہا ہے کہ خلعِ سلاح سے مسئلۂ فلسطین کی جڑیں ختم نہیں ہوں گی بلکہ اس سے مقبوضہ علاقوں میں صہیونی پالیسیوں کو مزید تقویت مل سکتی ہے۔