امریکی صدر صیہونی وزیر اعظم کے فون کا جواب نہیں دیتے: صیہونی میڈیا

22 دسمبر 2021

سچ خبریں:صیہونی چینل 13 کا دعویٰ ہے کہ امریکی صدر تک پہنچنے کی وزیراعظم کی کوششوں کے باوجود بائیڈن نے کئی ہفتوں سے بینیٹ کی فون کالز کا جواب نہیں دیا۔
صیہونی نیوز چینل 13 نے اپنی ایک رپورٹ میں دعویٰ کیا ہے کہ اسرائیلی وزیر اعظم نفتالی بینیٹ کی جانب سے امریکی صدر جو بائیڈن تک پہنچنے کی کوششوں کے باوجود بائیڈن نے کئی ہفتوں سے بینیٹ کی فون کالز کا جواب نہیں دیا، صہیونی اخبار دی یروشلم پوسٹ کے مطابق بائیڈن اور بینیٹ نے اگست کے آخر میں وائٹ ہاؤس میں ملاقات کی تھی،تاہم اس کے بعد سے ان کے درمیان کوئی بات نہیں ہوئی ہے۔

یروشلم پوسٹ نے مزید کہا کہ امریکی وزیر خارجہ انتھونی بلنکن نے دسمبر کے اوائل میں اسرائیلی وزیر اعظم سے ملاقات کی تھی جبکہ صیہونی وزیر جنگ بینی گینٹز نے دو ہفتے قبل واشنگٹن ڈی سی میں بلنکن سے ملاقات کی تھی،اسرائیلی وزیر خارجہ یائر لاپڈ نے بھی امریکی دارالحکومت میں اکتوبر میں ان سے ملاقات کی تھی۔
رپورٹ کے مطابق صیہونی حکومت کی قومی سلامتی کے مشیر جیک سلیوان کل (منگل) کو علی الصبح مقبوضہ علاقوں میں داخل ہوئے جہاں وہ صیہونی حکومت کے صدر "اسحاق ہرزوگ” بینیٹ سے ملاقات کرنے والے ہیں جس میں ایران سمیت متعدد مسائل پر تبادلہ خیال ہونا طے پایا ہے ہے۔

یادرہے کہ اسرائیلی میڈیا نے ایسی خبریں ایسے وقت میں شائع کی ہیں جبکہ حالیہ دنوں میں ایران سمیت بعض مسائل پر امریکہ اور صیہونی حکومت کے درمیان اختلافات کی خبریں سامنے آئی ہیں۔