امریکہ میں متوقع عمردوسری جنگ عظیم کے بعد سب سے کم ترین سطح پر

?️ 22 دسمبر 2021

سچ خبریں:ایک نئی وفاقی رپورٹ کے مطابق امریکہ میں متوقع عمر 2020 میں تقریباً دو سال تک کم ہو گئی ہے جس کی بڑی وجہ مہلک کورونا وبا ہے۔
آئی بی ایس نیوز ایجنسی کی رپورٹ کے مطابق ایک نئی وفاقی رپورٹ سے پتہ چلتا ہے کہ 2020 میں ریاستہائے متحدہ میں متوقع عمر میں تقریباً دو سال کی کمی واقع ہوئی، جس کی بڑی وجہ کورونا کی وبا ہے ،نیوز ایجنسی کے مطابق، 2019 میں، امریکیوں کی متوقع عمر ایک شخص کے زندہ رہنے کی اوسط تعداد – 78.8 سال تھی۔ لیکن سینٹرز فار ڈیزیز کنٹرول اینڈ پریونشن NCHSکے قومی مرکز برائے صحت کے نئے اعداد و شمار بتاتے ہیں کہ 2020 میں یہ تعداد 77.0 تک گر گئی، جو دوسری جنگ عظیم کے بعد سب سے بڑی کمی ہے۔

مرکز میں شرح اموات کے سربراہ ڈاکٹر رابرٹ اینڈرسن نے آئی بی ایس نیوز کو بتایاکہ میرے لیے جو چیز قابل ذکر ہے وہ یہ حیران کن کمی ہےجبکہ میں جانتا ہوں کہ 1.8 سال زیادہ نہیں لگتے، لیکن آبادی کے پیمانے پر، یہ متوقع عمر میں نمایاں کمی ہے، یہ دوسری جنگ عظیم کے بعد سب سے بڑی کمی ہے، جب متوقع عمر 1942 میں 66.2 سے کم ہو کر 1943 میں 63.3 سال رہ گئی۔

اگرچہ رپورٹ میں متوقع عمر پر کورونا کے اثرات کا انکشاف کیا گیا ہے، لیکن اس کی پروڈکشن ٹیم کا کہنا ہے کہ دیگر عوامل بھی ہیں جو متوقع عمر کو کم کرتے ہیں، جن میں ذیابیطس سے اموات میں اضافہ اور منشیات کے زیادہ مقدار میں استعمال کے ساتھ ساتھ حادثاتی طور پر چوٹیں بھی شامل ہیں جنہوں نے اپنا کردار ادا کیا ہے۔