سچ خبریں:بیجنگ حکومت کا کہنا ہے کہ امریکہ اپنے اہداف کو پورا کرنے کے لئے چین کو دشمن میں تبدیل کرنے کی کوشش کر رہا ہے۔
روئٹرز خبر رساں ادارےکی رپورٹ کے مطابق چین نے واشنگٹن انتظامیہ پر خیالی دشمن بنانے کا الزام عائد کرتے ہوئے کہا ہے کہ امریکی نائب وزیر خارجہ وینڈی شرمن اور چینی وزیر خارجہ وانگ یی کے درمیان ملاقات کے دوران لگائے جانے والے انسانی حقوق کی خلاف ورزیوں کا الزام نامناسب تھا، چینی نائب وزیر خارجہ ژی فینگ کے مطابق واشنگٹن چین کو دشمن کے طور پر پیش کرتے ہوئے امریکی عوام میں قوم پرست جذبات بھڑکانا چاہتا ہے۔
یادرہے کہ شرمن اتوار کے روز مشرقی چینی شہر تیآنجن پہنچے ، جبکہ وانگ یی نے خبردار کیا کہ چین امریکی تسلط کو برداشت نہیں کرے گا، اس سے قبل امریکی عہدے داروں نے دعوی کیا تھا کہ شرمن کا اس سفر کا مقصد چین کو بتانا ہےکہ واشنگٹن انتظامیہ اس شرط پر مقابلہ کرلیے تیار ہے کہ منصفانہ ہو اور تنازعات کی روک تھام کے لئے اس کی حدود مقرر جائیں۔
دوسری طرف امریکہ نے چین کے خلاف ہانگ کانگ اور سنکیانگ میں انسانی حقوق کی خلاف ورزیوں کے الزامات عائد کیے ہیں، توقع کی جاتی ہے کہ امریکی اور چینی عہدیداروں نے آج پیر کے روز جوہری اسلحہ پر قابو پانے کے بارے میں روسی وفد سے ملاقات کے لئے جنیوا کا سفر کرنے سے قبل بات کی ہے۔