افغان اثاثوں کی ضبطی بے ایمانی:امریکی کانگریس رکن

?️ 13 فروری 2022

سچ خبریں:امریکی رکن کانگریس نےاس ملک کے صدر جو بائیڈن کے افغان اثاثوں کو ضبط کرنے کے منصوبے کی مذمت کرتے ہوئے افغان اثاثوں کی ضبطی کو بے ایمانی قرار دیا۔
کامن ڈریمز اخبار کی رپورٹ کے مطابق امریکی رکن کانگریس الہان عمر نے جمعہ کو بائیڈن انتظامیہ کے افغانستان کے منجمد اثاثوں میں سے 7 بلین ڈالر کو مستقل طور پر ضبط کرنے اور اس میں سے نصف نائن الیون کے متاثرین کے لواحقین میں تقسیم کرنے کے منصوبے کی مذمت کرتے ہوئے کہا کہ اس وقت افغانستان میں جاری قحط اور بحران کی حالت میں یہ ایک واضح چوری سے کم نہیں ہے۔

انھوں نے کہا کہ 9/11 کے دہشت گردوں میں سے کوئی بھی افغان شہری نہیں تھا، عمر نے افغان حکومت کے اثاثوں کو ضبط کیے جانے کے بائیڈن کے منصوبے پر رد عمل کا اظہار کرتے ہوئے ٹویٹ کیا کہ 9/11 کے ہائی جیکرز میں کوئی افغان شہری نہیں تھا۔

انہوں نے مزید کہاکہ اس دوران ہم سعودی عرب اور مصر کی حکومتوں کو اربوں ڈالر دے رہے ہیں جن کے 9/11 کے دہشت گردوں سے براہ راست روابط ہیں، افغانستان میں انسانی بحران کا ذکر کرتے ہوئے الہان عمر نے کہاکہ ان جرائم (9/11) کے لیے لاکھوں بھوکے لوگوں کو سزا دینا غیر ذمہ دارانہ ہے۔

قبل ازیں باخبر ذرائع نے بتایا تھا کہ امریکی حکومت افغانستان کے مرکزی بینک کے منجمد اثاثوں میں سے نصف کو اس ملک کے عوام کی مدد کے لیے جاری کرنے کا ارادہ رکھتی ہے، جب کہ باقی رقم دہشت گردی کے متاثرین کی شکایات کے ازالے کے لیےصرف کرے گی۔