افغان اثاثوں کی رہائی کے لیے 41000 چینی شہریوں کا میمورنڈم پر دستخط

🗓️ 5 مارچ 2022

سچ خبریں:چینی میڈیا نے بتایا کہ41000سے زائد چینی شہریوں نے ایک پٹیشن پر دستخط کیے ہیں جس میں امریکہ سے افغان عوام کے اثاثوں کی رہائی کا مطالبہ کیا گیا ہے۔

چین کے ذرئع ابلاغ کی رپورٹ کے مطابق اس ملک کے41000 سے زائد شہریوں نے ایک پٹیشن پر دستخط کیے ہیں جس میں امریکہ سے افغانستان کے اثاثے چھوڑنے کا مطالبہ کیا گیا ہے جبکہ ماضی میں بھی چینی حکام بارہا افغان اثاثوں کو ضبط کرنے کے امریکی انداز کو تنقید کا نشانہ بنا چکے ہیں۔

چینی وزارت خارجہ کے ترجمان ہوا چونینگ نے بھی اس سے قبل بائیڈن کے 9/11 کے متاثرین کے خاندانوں کے لیے افغانستان کے نصف اثاثوں کو ضبط کرنے کے ایگزیکٹو آرڈر کے جواب میں کہا تھا کہ امریکی اقدام افغان عوام کی کھلی لوٹ مار ہے۔

چننگ نے ٹویٹ کیاکہ دنیا کا امیر ترین ملک غریبوں کو کھلے عام لوٹ رہا ہے! جیسے بھی ہوسکے افغان عوام کی دولت ان کے اپنے ہاتھ میں ہونی چاہیے اور انھیں اس تک رسائی ہونا چاہیے، خاص طور پر جب انھیں اس کی اشد ضرورت ہو۔

یادرہے کہ اقوام متحدہ میں چین کے مستقل نمائندے ژانگ جون نے بھی گزشتہ ہفتے اس بات پر زور دیا کہ امریکہ نے افغان عوام کے اثاثوں کو غیر قانونی طور پر ضبط کرکے افغانستان کے لیے انسانی امداد کے معاملے کو سیاسی رنگ دےدیا ہے۔