اردگان اور جرمن چانسلر کا علاقائی اور عالمی امور پر تبادلہ خیال 

سچ خبریں:  ترکی کے صدر رجب طیب اردوغان اور جرمنی کے چانسلر فریدریش مرتس کے درمیان ٹیلی فونک گفتگو ہوئی، جس میں دونوں رہنماوں نے دو طرفہ تعلقات کے علاوہ علاقائی اور عالمی مسائل پر تبادلہ خیال کیا۔

ترکی کی صدارتی دفتر برائے مواصلات کی جانب سے جاری کردہ بیان کے مطابق، اس ٹیلی فونک رابطے کے دوران صدر اردوغان نے واضح کیا کہ ترکی اور جرمنی اپنے دو طرفہ تعلقات کو مزید فروغ دینے کے خواہاں ہیں، اور اس مقصد کے حصول کے لیے باہمی اقدامات جاری رکھنا انتہائی اہمیت کا حامل ہے۔

صدر اردوغان نے اس موقع پر امید ظاہر کی کہ نیٹو رکن ممالک کے سربراہی اجلاس میں، جو انقرہ میں منعقد ہوگا، یورپ اپنے دفاعی معاملات کو نیٹو کے فریم ورک کے تحت مضبوط کرے گا اور ماورائے اوقیانوسی تعلق کو برقرار رکھنے کے لیے پختہ عزم کا مظاہرہ کرے گا۔

مزید برآں، صدر اردوغان نے روس-یوکرین جنگ کے خاتمے اور دیرپا امن کے قیام کے لیے مذاکرات کے دوبارہ آغاز کی کوششوں پر زور دیتے ہوئے کہا کہ ترکیہ اس سلسلے میں اپنی کاوشوں کو جاری رکھے ہوئے ہے۔