غزہ میں 15 سال سے صیہونی انٹیلی جنس کی ناکامی بے نقاب  

سچ خبریں:اسرائیلی چینل 12 نے اپنی تازہ رپورٹ میں انکشاف کیا ہے کہ صیہونی انٹیلی جنس ایجنسیاں گزشتہ 15 سال سے غزہ میں کوئی مؤثر انسانی ذرائع رکھنے میں ناکام رہی ہیں۔  

فلسطینی خبر رساں ایجنسی شہاب کی رپورٹ کے مطابق، اسرائیلی چینل 12 نے اپنی تازہ رپورٹ میں انکشاف کیا ہے کہ صیہونی انٹیلی جنس ایجنسیاں گزشتہ 15 سال سے غزہ میں کوئی مؤثر انسانی ذرائع رکھنے میں ناکام رہی ہیں۔

یہ بھی پڑھین:شکست چند جہتی؛ صیہونی حکومت کی صورتحال کا کلیدی لفظ

اسرائیلی تحقیقاتی رپورٹ میں آپریشن طوفان الاقصیٰ کے دوران صیہونی انٹیلی جنس کی بڑی ناکامیوں پر روشنی ڈالتے ہوئے بتایا گیا کہ شاباک سمیت دیگر انٹیلی جنس ادارے 2008 سے اب تک غزہ میں کوئی قابلِ اعتماد مخبر یا جاسوس بنانے میں ناکام رہے۔

رپورٹ کے مطابق 7 اکتوبر 2023 کو رات 3 بجے ایک شاباک افسر نے اسرائیلی آرمی چیف کو اطلاع دی کہ ایک معمولی انٹیلی جنس ذریعہ غزہ کی مساجد میں غیر معمولی اجتماعات کے بارے میں آگاہ کر رہا ہے لیکن صیہونی فوج کو ان کے قریب جانے کی اجازت نہیں ملی۔

رپورٹ کے مطابق، اسی دن رات 2 بجے غزہ میں ٹیلیفونک سرگرمیاں غیر معمولی طور پر بڑھ گئیں، جو ممکنہ طور پر ایک اہم سیکیورٹی الرٹ ہو سکتا تھا، لیکن اسرائیل کے سابق فوجی انٹیلی جنس چیف نے اسے معمول کی سرگرمی سمجھ کر نظر انداز کر دیا۔

مزید پڑھیں:اسرائیلی فوج کے سابق چیف آف سٹاف نے بھی کی تسلیم غزہ جنگ میں اسرائیل کی شکست

اس انکشاف سے ثابت ہوتا ہے کہ صیہونی انٹیلی جنس نظام غزہ میں مکمل طور پر ناکام ہو چکا ہے اور فلسطینی مزاحمتی تحریک کے منصوبوں کو روکنے میں بری طرح بے بس ہے۔