غزا پر صیہونی بمباری، سینکڑوں شہید اور زخمی – عالمی ردعمل  

سچ خبریں:غزا ایک بار پھر صیہونی جارحیت کی زد میں ہے۔ اسرائیلی فوج نے امریکی حمایت کے ساتھ  وحشیانہ حملوں کا آغاز کیا، جس میں اب تک 400 سے زائد فلسطینی شہید اور سینکڑوں زخمی ہو چکے ہیں۔  

یہ بھی پڑھیں: غزہ پر صیہونی حکومت کے وحشیانہ حملوں پر ریاض اور دوحہ کا ردعمل

حماس کے ترجمان عبداللطیف قانوع نے اسرائیلی بمباری کی مذمت کرتے ہوئے کہا کہ یہ حملے امریکہ کی معاونت سے کیے جا رہے ہیں اور ان کا مقصد فلسطینی عوام کے خلاف جنگی جرائم کا سلسلہ جاری رکھنا ہے۔

فلسطینی مزاحمتی تنظیم جہاد اسلامی نے اعلان کیا ہے کہ ان کے فوجی ونگ سرایا القدس کے ترجمان ابوحمزہ (ناجی ابو سیف) اسرائیلی حملے میں شہید ہو گئے، ان کی شہادت پر جہاد اسلامی نے کہا کہ ابوحمزہ فلسطینی عوام کی آواز تھے، جو ہمیشہ حق کا دفاع کرتے رہے۔

حماس نے ایک بیان میں اپنے سینئر رہنماؤں اور حکومتی عہدیداروں کی شہادت پر تعزیت پیش کی، جن میں شامل ہیں:

– عصام الدعلیس – نگران حکومتی امور

– یاسر حرب – حماس کے سیاسی دفتر کے رکن

– احمد الحتة – سرپرست وزارتِ انصاف

– محمود ابو وطفہ – سرپرست وزارتِ داخلہ

– بهجت ابو سلطان – ڈائریکٹر جنرل داخلی سیکیورٹی

او آئی سی نے اسرائیلی جارحیت کو نسل کشی قرار دیا اور اقوام متحدہ سے فوری کارروائی کا مطالبہ کیا۔

 ترکی  

ترک صدر رجب طیب اردوغان نے کہا کہ اسرائیل کی طرف سے جنگ بندی کی خلاف ورزی اور شہریوں کا قتلِ عام ناقابل قبول ہے،عالمی برادری کو اس پر سخت موقف اپنانا چاہیے۔

 اردن  

اردن کی وزارتِ خارجہ کے ترجمان سفیان القضاه نے کہا کہ اسرائیل کو فوری طور پر فائر بندی کے معاہدے پر عمل کرنا چاہیے، ورنہ خطے میں کشیدگی مزید بڑھے گی۔

حزب اللہ نے اسرائیلی حملوں کی مذمت کرتے ہوئے کہا کہ یہ حملے امریکا کی سرپرستی میں جاری نسل کشی کا حصہ ہیں، جس کا مقصد فلسطینی عوام کو کمزور کرنا ہے۔

سعودی عرب اور قطر نے اسرائیلی جارحیت کی سخت الفاظ میں مذمت کرتے ہوئے عالمی برادری سے فلسطینی عوام کی حفاظت کے لیے فوری اقدامات کا مطالبہ کیا۔

 روس  

روس کی وزارتِ خارجہ نے کہا کہ ہم اسرائیلی فوجی کارروائیوں پر گہری تشویش کا اظہار کرتے ہیں اور تمام فریقین سے مذاکرات کی بحالی کا مطالبہ کرتے ہیں۔

 چین  

چینی سفیر نے اقوام متحدہ میں بیان دیتے ہوئے کہا: ہم اسرائیل سے مطالبہ کرتے ہیں کہ وہ اپنی جارحانہ پالیسیاں ترک کرے اور فوری طور پر غزا میں جنگ بندی کو یقینی بنائے۔

مزید پڑھیں:غزہ جنگ کے دوبارہ شروع ہونے پر صہیونی خاندانوں کا خوفناک ردعمل

واضح رہے کہ غزا پر جاری اسرائیلی حملے کو عالمی سطح پر مذمت کا سامنا ہے، تاہم امریکہ اور مغربی طاقتیں اب بھی اسرائیل کی پشت پناہی کر رہی ہیں، فلسطینی مزاحمتی گروپوں نے واضح کر دیا ہے کہ یہ حملے ان کے عزم اور مزاحمت کو کمزور نہیں کر سکتے، بلکہ وہ اسرائیل کے خلاف اپنی جنگ مزید شدت کے ساتھ جاری رکھیں گے۔