یمنی فوج کا اسرائیلی ایئر بیس پر میزائل حملہ  

سچ خبریں:یمن کی مسلح افواج کے ترجمان یحییٰ سریع نے اعلان کیا ہے کہ یمنی فوج نے اسرائیل کے نواتیم ایئر بیس کو فلسطین 2 قسم کے فراصوتی بیلسٹک میزائل سے نشانہ بنایا ہے،ان کا کہنا تھا کہ یہ آپریشن کامیابی کے ساتھ مکمل ہوا۔  

یہ بھی پڑھیں: یمنی فوج نے اسرائیلی حکومت کے خلاف اپنے نئے آپریشن کا اعلان کیا

یمن کی مسلح افواج کے ترجمان یحییٰ سریع نے خبردار کیا کہ جب تک اسرائیل غزا پر حملے بند نہیں کرتا، یمنی فوج مقبوضہ فلسطین میں اپنے اہداف کو وسیع کرتی رہے گی۔

ان کا مزید کہنا تھا کہ ہم ہاتھ پر ہاتھ رکھ کر نہیں بیٹھیں گے اور غزا میں جاری قتل عام کو خاموشی سے نہیں دیکھیں گے، ہم اپنی تمام تر صلاحیتوں اور وسائل کو فلسطینی عوام کی حمایت اور مظلومین کی مدد کے لیے بروئے کار لائیں گے۔

مزید پڑھیں:یمنی فوج کے بن گوریون ہوائی اڈے پر جوابی حملے 

یحییٰ سریع نے مزید کہا کہ یمنی فوج اسرائیل کے خلاف اپنی مزاحمت جاری رکھے گی اور اس وقت تک اسرائیلی بحری جہازوں کی آمد و رفت کو روکے رکھے گی جب تک اسرائیلی جارحیت ختم نہیں ہوتی ،غزا کا محاصرہ نہیں ہٹایا جاتا  اور فلسطینی عوام کے لیے خوراک اور امداد کی ترسیل ممکن نہیں بنائی جاتی۔