صہیونی اور امریکی جارحیت پر یمنی سیاسی رہنما کا ردعمل

?️ 11 جنوری 2025

سچ خبریں:یمن کی اعلیٰ سیاسی کونسل کے سینئر رکن محمد علی الحوثی نے صہیونی اور امریکی جارحیت پر شدید ردعمل دیتے ہوئے کہا کہ اسرائیلی حکام جرم اور وحشی پن کی علامت ہیں۔

المسیرہ نیوز چینل کی رپورٹ کے مطابق یمن کی اعلیٰ سیاسی کونسل کے سینئر رکن محمد علی الحوثی نے صہیونی حکام کو مخاطب کرتے ہوئے کہا کہ آپ کے بیانات آپ کی واضح الجھن کا ثبوت ہیں اور یہ یمنی عوام کو غزہ کی حمایت اور آپ کی مجرمانہ موجودگی کے خاتمے کے لیے مزید تیار کرتے ہیں۔

یہ بھی پڑھیں: یمن کے خلاف تازہ ترین صہیونی جارحیت کی تفصیلات

الحوثی نے مزید کہا کہ یمن کو نشانہ بنانے کی وجہ اس کی غزہ کے لیے حمایت ہے اور یہ حمایت یمنی عوام کے ایمان اور اخلاقی موقف کو مزید مضبوط بناتی ہے تاکہ وہ دہشت گردی اور نسل کشی کا مقابلہ کر سکیں۔

در ایں اثنا یمن کے علماء کی تنظیم نے ایک بیان میں امریکہ، اسرائیل، اور برطانیہ کی جارحیت کو ایک جنگی جرم قرار دیا اور کہا کہ یہ حملے خطے میں کشیدگی بڑھانے اور دنیا کو سنگین بحرانوں میں دھکیلنے کا باعث بن سکتے ہیں۔

علماء نے کہا کہ یمن کو حملوں کے جواب میں مزاحمت اور دفاع کا مکمل حقحاصل ہے اور وہ ان حملوں کے خلاف جوابی کارروائی کو جائز سمجھتے ہیں۔

علماء نے عرب اور اسلامی دنیا کی خاموشی اور بے حسی پر شدید تنقید کرتے ہوئے کہا کہ غزہ اور یمن پر تین ملکی جارحیتکے خلاف خاموشی ناقابل قبول ہے۔

مزید پڑھیں: صہیونی افواج ہائی الرٹ؛ یمن کی جوابی کارروائی کا خوف

بیان میں یمن کے عوام کی غزہ کے لیے ایمانی حمایتاور میدان السبّعین میں مظاہرین کی استقامت کو خراج تحسین پیش کیا گیا، علماء نے یمن کی قبائل اور مسلح گروہوں کی مزاحمت کو سراہتے ہوئے انہیں اتحاد اور یکجہتی کی دعوت دی۔