صیہونی حکومت شام کے ساتھ کیا کر رہی ہے؟اقوام متحدہ میں دمشق کے نمائندے کا بیان

?️ 10 دسمبر 2024

سچ خبریں:اقوام متحدہ میں شام کے نمائندے نے اسرائیلی حکومت کی جانب سے اس ملک پر مسلسل کیے جانے والے حملوں پر شدید ردعمل کا اظہار کیا ہے۔

المیادین نیوز چینل کی رپورٹ کے مطابق اقوام متحدہ میں شام کے نمائندہ قصی الضحاک نے پریس کانفرنس میں کہا کہ موجودہ حکومت کی درخواست پر شام نے اقوام متحدہ کے سیکریٹری جنرل اور سلامتی کونسل سے مطالبہ کیا ہے کہ اسرائیلی حکومت کے حملے فوری طور پر روکیں۔

یہ بھی پڑھیں: صہیونی تجزیہ کاروں کی نظر میں شام کی صورتحال

الضحاک نے مزید کہا کہ سلامتی کونسل اور اقوام متحدہ کو اسرائیل کو شام میں اقتدار کی تبدیلی کا فائدہ اٹھانے کی اجازت نہیں دینا چاہیے۔

انہوں نے کہا کہ اقوام متحدہ میں مشن شام کا اپنے کام کو جاری رکھے گا اور وہ اس ملک کے اداروں اور عوام کے مفادات کی نمائندگی کرتا رہے گا۔

الضحاک نے یہ بھی کہا کہ ہم موجودہ وزیر اعظم اور وزیر خارجہ کے ساتھ تعاون کر رہے ہیں اور نئی حکومت کا انتظار کر رہے ہیں۔

مزید پڑھیں: مغربی ممالک اب بھی شام میں دہشت گردوں کی حمایت کرتے ہیں:روس

عبری میڈیا کے مطابق، اسرائیلی حکومت نے صرف دو دنوں میں شام کے مختلف علاقوں پر 300 مرتبہ بمباری کی ہے جبکہ دوسری طرف امریکی قابض فوج بھی اس ملک کے متعدد علاقوں کو نشانہ بنا رہی ہے۔