شام کے حوالے ترکی کا موقف؛ترک صدر کی زبانی

?️ 10 دسمبر 2024

سچ خبریں:ترک صدر رجب طیب اردوغان نے شام کی صورتحال اور بشار الاسد کی حکومت کے خاتمے پر اپنے خیالات کا اظہار کیا ہے۔

اناطولی نیوز ایجنسی کی رپورٹ کے مطابق، ترکی کے صدر رجب طیب اردوغان نے شام میں ہونے والی تبدیلیوں کے حوالے سے کہا کہ اس ملک کے بارے میں ان کا موقف کبھی بھی مفاد پرستی پر مبنی نہیں رہا، بلکہ یہ انسانی اصولوں پر قائم رہا ہے۔

یہ بھی پڑھیں: شام کے علاقے جولان پر صیہونی قبضے کے بارے میں روس کا ردعمل

یاد رہے کہ اردوغان نے یہ بیان بشار الاسد کی حکومت کے خاتمے کے موقع پر اور انقرہ کے صدارتی کمپلیکس میں کابینہ کے اجلاس کے بعد دیا۔

اردوغان نے شام کے عوام کو نظام بعث کے خاتمے پر مبارکباد دی اور کہا کہ ترکی ہمیشہ شامی عوام کے ساتھ کھڑا رہے گا۔

ترک صدر نے مزید کہا کہ 18 دسمبر سے شام میں تاریکی کا دور ختم ہو چکا ہے اور روشنی کا دور شروع ہو چکا ہے۔

انہوں نے بشار الاسد کے نظام کی کارکردگی پر تنقید کرتے ہوئے کہا کہ سابق حکومت نے شام کے بحران کو مذاکرات کے ذریعے حل کرنے کی ہماری درخواست کو مسترد کر دیا ، ہم نے دوستی کا ہاتھ بڑھایا لیکن اس نے قدر نہیں کی۔

اردوغان نے بشار الاسد کی حکومت پر تنقید کرتے ہوئے امید ظاہر کی کہ شام میں استحکام کے ساتھ شامی پناہ گزینوں کی وطن واپسی ممکن ہو سکے گی۔

انہوں نے اس بات پر زور دیا کہ ترکی کو کسی دوسرے ملک کی سرزمین پر کوئی لالچ نہیں ہے اور ان کی فوجی مداخلت کا مقصد صرف ترکی کی سرحدوں کی حفاظت اور دہشت گردی کے خطرات سے اپنے عوام کو محفوظ رکھنا ہے۔

اردوغان نے کہا کہ ترکی کا مقصد اور سب سے بڑی خواہش یہ ہے کہ تمام شامی اپنے مذہب، نسل یا فرقے سے قطع نظر اپنے ملک میں امن سے رہیں۔

انہوں نے کہا کہ کسی کو یہ حق نہیں ہے کہ وہ 13 سالوں سے ظلم و ستم کا شکار شامی عوام کے لیے مزید درد اور مشکلات کا سبب بنے۔

مزید پڑھیں: صیہونی حکومت شام کے ساتھ کیا کر رہی ہے؟اقوام متحدہ میں دمشق کے نمائندے کا بیان

اپنے خطاب کے آخر میں اردوغان نے اعلان کیا کہ ترکی اور شام کی سرحد پر "یائلاداغی گزرگاہ جلد کھول دی جائے گی تاکہ سرحدی راستوں پر ٹریفک کو کم کیا جا سکے۔