امریکہ میں ہزاروں ملازمین کے استعفیٰ کا امکان ؛ امریکی تاریخ کا سب سے بڑا اجتماعی واقعہ

?️ 30 ستمبر 2025

سچ خبریں:ڈونلڈ ٹرمپ کی وسیع پیمانے پر لیبر فورس میں کمی کی پالیسی کے تحت، امریکہ کے ایک لاکھ سے زائد وفاقی ملازمین کا استعفیٰ دینے کا امکان ہے، جو  اس ملک کی تاریخ کا سب سے بڑا اجتماعی واقعہ ہوگا۔

امریکہ کے ایک لاکھ سے زائد وفاقی ملازمین باضابطہ طور پر استعفیٰ دینے والے ہیں، اگر ایسا ہوا تو اس ملک کی تاریخ کا سب سے بڑا اجتماعی واقعہ سمجھا جائے گا اور یہ ڈونلڈ ٹرمپ کی وسیع پیمانے پر لیبر فورس میں کمی کے منصوبے کا حصہ ہے۔

یہ بھی پڑھیں: امریکہ کو محمکہ ریلوے میں ہڑتال کے خوفناک معاشی اثرات کا خدشہ

گارڈین اخبار کا کہنا ہے کہ وائٹ ہاؤس نے وفاقی ایجنسیوں کو ہدایت کی ہے کہ وہ بین الجماعتی تنازعہ میں معاہدہ نہ ہونے کی صورت میں وسیع پیمانے پر ملازمین کی برطرفی کی منصوبہ بندی تیار کریں۔

نوکری چھوڑنے کے لیے تیار ہو رہے ملازمین نے بیان دیا ہے کہ کس طرح مہینوں کے خوف اور دہشت نے ان کے لیے نوکری چھوڑنے کے سوا کوئی چارہ نہیں چھوڑا۔

امریکی صدر ڈونلڈ ٹرمپ نے این بی سی نیوز کے ساتھ انٹرویو میں وسیع پیمانے پر برطرفیوں کے بارے میں انتباہ دیتے ہوئے کہا کہ ہم بہت سے لوگوں کو مستقل طور پر ہٹا دیں گے جبکہ میں یہ کام کرنا پسند نہیں۔

مزید پڑھیں:امریکی آٹوموبائل کمپنیوں کے ہزاروں ملازمین کی ہڑتال

واضح رہے کہ ٹرمپ انتظامیہ نے وفاقی ایجنسیوں کو مطلع کیا ہے کہ کانگریس کے ساتھ معاہدہ نہ ہونے کی صورت میں اجتماعی برطرفیوں کے لیے تیار رہیں، اگر وائٹ ہاؤس اپنے وعدے پر عمل کرتا ہے، تو یہ ایک تبدیلی ہوگی، کیونکہ وفاقی ملازمین عام طور پر ایسے واقعات میں جبری چھٹی پر بھیجے جاتے ہیں۔