سچ خبریں: امریکی ڈیموکریٹ پارٹی کی امیدوار کمالا ہیرس اور ریپبلکن پارٹی کے امیدوار ڈونلڈ ٹرمپ 10 ستمبر بروز منگل کو پہلی مرتبہ ٹیلی ویژن پر ایک دوسرے کے مدمقابل ہوں گے۔
خبر رساں ادارے روئٹرز کے مطابق، امریکہ کے موجودہ صدارتی انتخابات میں ڈیموکریٹک امیدوار کامالا ہیرس اور ان کے ریپبلکن حریف ڈونلڈ ٹرمپ آج کچھ ہی دیر میں اپنا پہلا انتخاباتی مناظرہ منعقد کرنے جا رہے ہیں۔
یہ بھی پڑھیں: امریکی انتخاباتی دوڑ کی تازہ ترین صورتحال
رپورٹ کے مطابق، یہ مناظرہ امریکی وقت کے مطابق منگل کی رات اور گرینویچ کے وقت کے مطابق بدھ کی صبح کو ہوگا، جب کہ امریکی انتخابات کے انعقاد میں دو ماہ سے بھی کم وقت باقی ہے۔
دونوں امیدوار اس مناظرے کے ذریعے امریکی صدارتی کرسی حاصل کرنے کے لیے اپنی پوزیشن مضبوط کرنے کی کوشش کریں گے۔
این بی سی نیوز کی رپورٹ کے مطابق سابق امریکی صدر ڈونلڈ ٹرمپ اور موجودہ نائب صدر کامالا ہیرس آج شام اپنے پہلے صدارتی مناظرہ میں آمنے سامنے ہوں گے۔
اس مناظرہ کے دوران دونوں امیدواروں کے لیے خطرات زیادہ ہیں اس لیے کہکمالا ہیرس کو انتخابات میں شامل ہوئے صرف سات ہفتے ہوئے ہیں اور ان کے پاس ووٹرز کی حمایت حاصل کرنے کے لیے وقت کم ہے۔
دونوں امیدواروں کی انتخابی مہم نے اس بات پر اتفاق کیا ہے کہ مباحثے میں وہی قوانین اور فارمیٹ اپنائے جائیں گے جو جون میں ڈونلڈ ٹرمپ اور موجودہ صدر جو بائیڈن کے درمیان مناظرہ میں استعمال کیے گئے تھے، جن میں مائیکروفون خاموش کرنے کا قانون بھی شامل ہے (جس قانون میں تبدیلی کے لیے ہیرس کی انتخابی مہم کوشاں تھی)۔
مزید پڑھیں: ہیرس اور ٹرمپ کے درمیان 4 فیصد کا فرق
یہ مناظرہ اے بی سی نیوز کی میزبانی میں ہوگا اور این بی سی نیوز پر براہِ راست نشر کیا جائے گا،مناظرہ مقامی وقت کے مطابق رات 9 بجے شروع ہوگا اور تقریباً 90 منٹ تک جاری رہے گا۔
