لبنان کے خلاف صیہونیوں کے وحشیانہ حملے جاری

25 ستمبر 2024

سچ خبریں: جنوبی لبنان میں موجود المیادین نیوز چینل کے رپورٹر نے اسرائیلی جنگی طیاروں کے وحشیانہ حملوں کے مسلسل جاری رہنے کی خبر دی ہے۔

جنوبی لبنان سے المیادین نیوز چینل کے رپورٹر نے اطلاع دی ہے کہ اسرائیلی جنگی طیاروں نے اس ملک کے حداثا، یاطر اور عیتا الجبل علاقوں کو نشانہ بنایا ہے۔

یہ بھی پڑھیں: لبنان کے ساتھ جنگ صیہونیوں کے لیے کیسی رہے گی؟اکونومسٹ میگزین کی زبانی

الجیہ کے علاقے پر حملے سے اس حصے میں بین الاقوامی شاہراہ تباہ ہوگئی اور راستے منقطع ہوگئے، اسرائیلی جنگی طیاروں نے مشرقی لبنان کے علاقے بقاع پر بھی متعدد بار بمباری کی۔

صیہونی حملوں میں بعلبک، دورس، الجمالیہ، بریتال، الخضر، امہز، شعث اور نحلہ کے راستے کو بھی نشانہ بنایا گیا۔

علاوہ ازیں حوش الرافقہ، الخضر، ریاق، سرعین اور اللبوہ کے علاقے بھی حملوں کا نشانہ بنے، اس کے علاوہ المنصوری، حبوش، معرکہ، عین قانا اور عبا کے علاقوں پر بھی اسرائیلی جنگی طیاروں نے حملے کیے۔

مزید پڑھیں: اسرائیل اور لبنان جنگ کی تازہ ترین صورتحال

قابل ذکر ہے کہ اسرائیل نے جب میدان جنگ میں مجاہدین کے ہاتھوں شکست کھائی تو اپنے وحشیانہ حملوں میں رہائشی علاقوں اور بنیادی ڈھانچے جیسے اپارٹمنٹس، سڑکوں اور اسپتالوں کو بھی نشانہ بنا رہا ہے اور بے گناہ عام شہریوں کو شہید کر رہا ہے جس سے اس غیر قانونی ریاست کے حکام ثابت کر رہے ہیں کہ ان کے لیے کسی بھی بین الاقوامی قانون کی کوئی حیثیت نہیں ہے۔