سعودی عرب کی توانائی تنصیبات پر حملے کی تصدیق، عالمی منڈی میں تیل کی قیمتوں میں اضافہ

?️ 8 ستمبر 2026

سچ خبریں:سعودی وزارت توانائی کی جانب سے ملک کے جنوبی علاقے میں توانائی کی تنصیبات کو نشانہ بنائے جانے کی تصدیق کے بعد عالمی منڈی میں خام تیل کی قیمتوں میں نمایاں اضافہ ہوا۔

سعودی عرب کی جانب سے ملک کی توانائی تنصیبات کو نشانہ بنائے جانے کی تصدیق کے ساتھ ہی عالمی منڈی میں خام تیل کی قیمتوں میں اضافہ ہوگیا۔

آر ٹی کے مطابق سعودی وزارت توانائی کی جانب سے ملک کے جنوبی علاقے میں توانائی کی تنصیبات کو نشانہ بنائے جانے کی تصدیق کے بعد آج منگل کو عالمی منڈی میں تیل کی قیمتیں بڑھ گئیں۔

رپورٹ کے مطابق ماسکو کے وقت کے مطابق صبح 9:25 بجے امریکی خام تیل ویسٹ ٹیکساس انٹرمیڈیٹ (WTI) کے اکتوبر میں ترسیل کے لیے فیوچر معاہدوں کی قیمت 2.48 فیصد اضافے کے ساتھ 93.75 ڈالر فی بیرل ہوگئی۔

اسی طرح نومبر میں ترسیل کے لیے برینٹ خام تیل کے فیوچر معاہدوں کی قیمت 1.44 فیصد اضافے کے ساتھ 98.40 ڈالر فی بیرل تک پہنچ گئی۔

اس سے ایک گھنٹہ قبل سعودی وزارت توانائی نے تصدیق کی تھی کہ سعودی عرب کے جنوبی علاقے میں توانائی کی متعدد تنصیبات کو آج صبح نشانہ بنایا گیا۔

وزارت توانائی نے مزید کہا کہ ان حملوں کے نتیجے میں متعدد علاقوں میں آگ بھڑک اٹھی جبکہ بعض سرگرمیاں بھی معطل ہوگئیں۔