مسلمانوں کے قاتل نریندر مودی کی سعودی ولیعہد سے گفتگو، بھارت دورے کی دعوت دے دی

?️ 12 مارچ 2021

نئی دہلی (سچ خبریں) ایک طرف جہاں بھارتی انتہاپسند وزیراعظم بھارتی مسلمانوں سے شدید نفرت کرتے ہیں اور ان کا قتل عام کرنے میں کسی قسم کی شرم محسوس نہیں کرتے وہیں وہ اپنے سیاسی اور تجارتی مفاد کے لیئے اسلامی ممالک کے ساتھ تعلقات کو بہتر بنا رہے ہیں جس کی سب سے بڑی مثال بھارت اور سعودی عرب کے درمیان اربوں ڈالر کی تجارتی شراکت داری ہے۔

بھارتی انتہاپسند وزیراعظم نریندر مودی نے اپنے سیاسی مفادات کو حاصل کرنے کے لیئے سعودی ولی عہد محمد بن سلمان سے ٹیلی فونک گفتگو کی اور انہیں بھارت دورے کی دعوت دی ہے۔

بھارتی وزارت خارجہ کےمطابق وزیراعظم نریندرمودی نے سعودی ولی عہد محمدبن سلمان سے ٹیلی فونک گفتگو میں دوطرفہ اسٹریٹجک پارٹنرشپ کونسل کی فنکشنگ پر تبادلہ خیال کیا۔

گفتگو میں دونوں رہنماؤں نے دوطرفہ پارٹنرشپ کے استحکا م کے فروغ اور باہمی دلچسپی کے علاقائی اور بین الاقوامی معاملات کا بھی جائزہ لیا۔

مودی نے سعودی ولی عہد سےگفتگو میں دوطرفہ تجارت،سرمایہ کاری میں مزید توسیع کی خواہش کااظہار بھی کیا۔

واضح رہے کہ اس سے قبل بھی سعودی ولیعہد محمد بن سلمان بھارت کا دورہ کرچکے ہیں جہاں بھارتی وزیراعظم نریندر مودی دہلی کے فوجی ہوائی اڈے پر ان کا استقبال کرنے والوں میں پیش پیش تھے۔