ہالینڈ میں شدید گرمی کی لہر سے 900 سے زائد افراد جاں بحق

?️ 16 جولائی 2026

سچ خبریں:ہالینڈ نے اعلان کیا ہے کہ جولائی کے ابتدائی دو ہفتوں کے دوران آنے والی شدید گرمی کی لہر کے باعث ممکنہ طور پر 900 سے زائد افراد اپنی جانوں سے ہاتھ دھو بیٹھے۔

ہالینڈ کے قومی ادارہ صحت کے مطابق جون کے آخر اور جولائی کے آغاز میں آنے والی شدید گرمی کی لہر کے دوران 900 سے زائد اضافی اموات ریکارڈ ہوئیں، جن میں زیادہ تر 80 سال سے زائد عمر کے افراد شامل ہیں۔

ہالینڈ کے قومی ادارہ صحت عامہ اور ماحولیات کی رپورٹ کے مطابق 22 جون سے 5 جولائی کے درمیان جاری شدید گرمی کی لہر کے دوران ملک میں متوقع تعداد کے مقابلے میں تقریباً 900 اضافی اموات ریکارڈ کی گئیں۔

رپورٹ میں کہا گیا ہے کہ ان اموات کی حتمی وجہ ابھی تک معلوم نہیں ہو سکی، تاہم قومی ادارہ صحت عامہ اور ماحولیات کے مطابق اس بات کا قوی امکان ہے کہ شدید گرمی ان اموات کی بنیادی وجہ رہی ہو۔ ادارے کے مطابق جاں بحق ہونے والوں میں زیادہ تر افراد کی عمر 80 سال سے زائد تھی۔

ادارے نے بتایا کہ شدید گرمی کے دوران معمر افراد زیادہ خطرے سے دوچار ہوتے ہیں، کیونکہ عمر بڑھنے کے ساتھ جسمانی اعضا کی کارکردگی کم ہو جاتی ہے، جسم سے پسینہ کم خارج ہوتا ہے اور پانی کی کمی کا خطرہ بڑھ جاتا ہے۔

رپورٹ میں مزید کہا گیا ہے کہ دل، خون کی شریانوں اور پھیپھڑوں کی دائمی بیماریوں میں مبتلا افراد بھی شدید گرمی سے زیادہ متاثر ہوتے ہیں، کیونکہ بلند درجہ حرارت ان بیماریوں کی علامات کو مزید سنگین بنا سکتا ہے۔

رواں سال پہلی مرتبہ ہالینڈ کے محکمہ موسمیات نے شدید گرمی کے باعث موسم سے متعلق خطرے کی بلند ترین سطح کا انتباہ جاری کیا۔ یہ وہی سطح ہے جو 2019 میں ریکارڈ توڑ گرمی کے دوران بھی جاری نہیں کی گئی تھی۔