تشدد سے امیگریشن بحران حل نہیں ہوگا:میکسیکو 

سچ خبریں:صدر میکسیکو کلاؤڈیا شائن باؤم نے لاس اینجلس میں امریکی فیڈرل فورسز کی کارروائیوں کی مذمت کرتے ہوئے کہا کہ امیگریشن مسئلہ طاقت سے نہیں، بلکہ مذاکرات اور جامع اصلاحات سے حل ہو سکتا ہے۔

میکسیکو صدرِ  کلاؤڈیا شائن باؤم نے لاس اینجلس میں امریکی فیڈرل فورسز کی جانب سے تارکینِ وطن کے خلاف حالیہ چھاپوں اور ان چھاپوں کے خلاف ہونے والے وسیع عوامی احتجاج پر طاقت کے استعمال کی شدید مذمت کی ہے۔

یہ بھی پڑھیں:مغربی ممالک میں ٹرمپ کی جارحانہ پالیسیوں کے خلاف احتجاج؛ اٹلانٹک کے دونوں کناروں پر مظاہرین کیا کہہ رہے ہیں؟

شائن باؤم نے صوبہ پویبلا میں ایک عوامی تقریب سے خطاب کرتے ہوئے کہا، امیگریشن کا مسئلہ یورش اور تشدد سے ہرگز حل نہیں ہوگا؛ یہ صرف اُس وقت حل ہو سکتا ہے جب تمام سرحد پار مقیم میکسیکی شہریوں کو مدِنظر رکھتے ہوئے ایک جامع امیگریشن اصلاحات پر بات چیت اور عملی اقدام کیا جائے۔

صدر نے زور دے کر کہا کہ لاس اینجلس آج جو کچھ ہے، وہ وہاں رہنے والے میکسیکی مرد و خواتین کے بغیر ممکن نہیں تھا۔

اُن کا کہنا تھا کہ یہ افراد مجبوری کے تحت نقلِ مکانی کرتے ہیں اور پھر اپنی کمائی کا بڑا حصہ وطن میں مقیم اپنے خاندانوں کو بھیجتے ہیں۔ یہ لوگ مجرم نہیں، محنت کش ہیں، شائن باؤم نے واضح کیا۔

مزید پڑھیں:لاس اینجلس میں ٹرمپ حکومت کے خلاف احتجاج میں درجنوں افراد گرفتار

خطاب کے اختتام پر صدر نے یقین دہانی کرائی، میکسیکو کے مرد و خواتین جہاں کہیں بھی ہوں، ہماری حمایت اُن کے ساتھ ہے۔ اُن کے انسانی حقوق کے تحفظ کے لیے ہم ہر سطح پر آواز بلند کریں گے۔ اگر وہ وطن واپس آنا چاہیں تو میکسیکو اُن کا بانہوں میں بھر کر استقبال کرے گا۔