🗓️
سچ خبریں:اقوام متحدہ کی سلامتی کونسل میں روس نے جولانی حکومت پر سخت تنقید کرتے ہوئے کہا کہ اس ملک میں علویوں کا قتل عام روانڈا نسل کشی کے مترادف ہے۔
روئٹرز خبر رساں ایجنسی کی رپورٹ کے مطابق، روس نے اقوام متحدہ کی سلامتی کونسل کے ایک بند کمرہ اجلاس میں شام کی جولانی حکومت پر بڑھتے ہوئے فرقہ وارانہ تشدد اور غیر ملکی جنگجوؤں کی موجودگی کے حوالے سے سخت تنقید کی۔
ماسکو، جو شام میں اپنے دو اہم فوجی اڈے برقرار رکھنا چاہتا ہے، ان واقعات کو اپنی پوزیشن کمزور کرنے کی کوشش کے طور پر دیکھ رہا ہے۔
یہ بھی پڑھیں: الجولانی کے سب وعدے جھوٹے ثابت؛ خاص طبقے کو نشانہ
دو سفارتی ذرائع نے روئٹرز کو بتایا کہ روسی مندوب نے اجلاس کے دوران علوی اقلیت کے خلاف قتل عام کو 1994 کی روانڈا نسل کشی کے مترادف قرار دیا،اس وقت توتسیوں اور معتدل ہوتوؤں کو فوجی اور ملیشیا گروپوں نے بڑی تعداد میں قتل کیا تھا۔
روسی مندوب نے اقوام متحدہ کے اجلاس میں کہا کہکسی نے بھی شام میں ہونے والے ان قتل عام کو روکنے کے لیے قدم نہیں اٹھایا۔
ماسکو، جو شام میں بشار الاسد کی حکومت کا ایک بڑا حامی رہا ہے، اب بھی بشار الاسد کے ساتھ رابطے میں ہے، جو دسمبر 2024 میں روس فرار ہوگئے تھے۔
روس نے منگل کے روز شام کی خود مختاری اور اتحاد پر زور دیا، لیکن سلامتی کونسل میں اس کا موقف زیادہ سخت تھا، جو اس کی خطے میں اثر و رسوخ بحال کرنے کی حکمت عملی کو ظاہر کرتا ہے۔
سلامتی کونسل کے اجلاس میں روس نے تحریر الشام کی حکومت پر شدید تنقید کی اور شامی فوج کی تحلیل اور سرکاری ملازمین کے بڑے پیمانے پر اخراج کو عراق میں امریکی غلطیوں کی تکرار قرار دیا، جہاں امریکی حملے کے بعد ریاستی ادارے تباہ ہو گئے تھے اور اس کا نتیجہ مکمل بدامنی کی صورت میں نکلا۔
تحریر الشام کے سربراہ احمد الشرع المعروف ابو محمد الجولانی نے رائٹرز کو دیے گئے انٹرویو میں دعویٰ کیا کہ ان کی حکومت فرقہ واریت کی بنیاد پر عہدے نہیں بانٹے گی اور آئندہ تشکیل دی جانے والی حکومت میں علوی اقلیت کو بھی شامل کیا جا سکتا ہے۔
روس اور امریکہ نے ایک مشترکہ مسودہ تیار کیا ہے، جس میں شام میں فرقہ وارانہ قتل عام کی مذمت کی گئی ہے،سفارتی ذرائع کے مطابق، یہ مسودہ جمعہ کے روز اقوام متحدہ کی سلامتی کونسل کے اجلاس میں باضابطہ طور پر پیش کیا جائے گا۔
سلامتی کونسل کے ممکنہ بیان میں درج نکات شامل ہوں گے:
✔ تحریر الشام کی لاذقیہ اور طرطوس میں فرقہ وارانہ قتل و غارت گری کی شدید مذمت۔
✔ تمام فریقین سے تشدد کے فوری خاتمے کا مطالبہ۔
✔ شام کے تمام نسلی اور مذہبی گروہوں کے حقوق کے تحفظ پر زور۔
Short Link
Copied
مشہور خبریں۔
ایران کی ڈرون طاقت پر صیہونیوں کو تشویش
🗓️ 13 جولائی 2022سچ خبریں:صیہونی حکام جوبائیڈن کے سفر کے دوران نئے اینٹی ڈرون لیزر
جولائی
عراق کے صوبہ کرکوک میں تین داعشی خواتین گرفتار
🗓️ 24 فروری 2021سچ خبریں:عراقی فورسز نے اس ملک کے صوبہ کرکوک میں تین داعشی
فروری
امن کے نقطہ نظر سے متعلق امریکی دعوؤں کے بارے میں یمنیوں کا نظریہ
🗓️ 11 جولائی 2021سچ خبریں:یمنی قومی نجات حکومت کی مذاکراتی ٹیم کے ایک رکن نے
جولائی
شمالی شام میں ترک کرائے کے فوجیوں کی خود سوزی، 22 ہلاک اور زخمی
🗓️ 18 جون 2022سچ خبریں: شام میں موجود الجبہت الشامیہ اور احرار الشام نامی گروہ
جون
بائیڈن حکومت کو انصار اللہ کے مقابل میں جغرافیائی شکست کا سامنا
🗓️ 21 جنوری 2024سچ خبریں:امریکی ویب سائٹ انٹرسیپٹ نے اپنے ایک مضمون میں یمن کے
جنوری
الیکشن کمیشن نے پی ٹی آئی کی دستاویزات کا جائزہ مکمل کر لیا
🗓️ 21 مئی 2021اسلام آباد(سچ خبریں) پی ٹی آئی کی مالی دستاویزات کا جائزہ ختم
مئی
عالمی مافیائی جرائم کا مرکز کہاں ہے؟
🗓️ 25 ستمبر 2024سچ خبریں: حالیہ برسوں میں ترکی، خصوصاً اس ملک کے بڑے شہر
ستمبر
مغربی کناے میں صیہونی درندہ صفت فوج کے ہاتھوں متعدد فلسطینی شہری اغوا
🗓️ 30 دسمبر 2021سچ خبریں:صیہونی قابض فوج نے مغربی کنارے کے متعدد علاقوں پردہشتگردانہ کاروائیاں
دسمبر