مزاحمتی تحریک کو خلع سلاح کرنے کے بارے میں شہید اسماعیل ہنیہ کا دوٹوک جواب

سچ خبریں:مصری و قطری ثالثوں کے ذریعے حماس سے اسلحہ ترک کرنے کے مطالبے کے بعد اس سلسلہ میں شہید ہنیہ کا تاریخی خطاب پھر موضوعِ بحث بن گیا ہے۔

جیسے ہی مصری اور قطری ثالثوں کی جانب سے حماس کو مزاحمتی اسلحہ چھوڑنے کی تجویز دی گئی، فلسطینی ذرائع ابلاغ نے ایک بار پھر شہید اسماعیل ہنیہ کی وہ یادگار تقریر نشر کی ہے جس میں انہوں نے مسلح مزاحمت سے دستبرداری کے مطالبے کو ناقابلِ حصول سراب قرار دیا تھا۔

یہ بھی پڑھیں: حماس کے ساتھ معاہدے کے لئے صیہونیوں کی نئی شرطیں

فلسطینی خبررساں ادارے شہاب کے مطابق، شہید ہنیہ نے اس بارے میں کہا تھا کہ وہ چاہتے ہیں کہ مزاحمت کی روشنی قسام کے میزائلوں کی چمک، اور اسلحے کی گونج کو خاموش کر دیں، لیکن یہ محض الفاظ میں رہ جائے گا، یہ ایک خواب اور سراب ہے جو کبھی حقیقت نہیں بنے گا۔

اطلاعات کے مطابق، مصری و قطری ثالثوں نے حال ہی میں بنیامین نیتن یاہو کی جانب سے پیش کردہ نئی شرائط پر مشتمل فہرست حماس کو دی ہے، ان میں سب سے خطرناک شرط یہ ہے کہ جنگ کے خاتمے پر بات چیت سے پہلے، حماس کو اپنا اسلحہ مکمل طور پر ترک کرنا ہوگا۔

اس تجویز کے جواب میں حماس نے باضابطہ بیان جاری کرتے ہوئے کہا کہ مسلح مزاحمت ہمارا اصولی اور ناگزیر حق ہے، جو نہ کسی معاہدے میں شامل ہوگا، نہ کسی مذاکرات کا موضوع بنے گا۔

مزید پڑھیں:غزہ میں جنگ بندی کے دوسرے مرحلے کے لیے نیتن یاہو  کی نامعقول شرطیں

تجزیہ کاروں کے مطابق، حماس اور دیگر مزاحمتی تنظیموں کے نزدیک اسلحہ صرف دفاع کا ذریعہ نہیں بلکہ قومی خودمختاری کا ضامن ہے۔ شہید ہنیہ کا موقف آج بھی فلسطینیوں کی اجتماعی سوچ اور قومی بیانیے کی نمائندگی کرتا ہے۔