ایران کے میزائل حملے مہلک اور سخت ترین تھے؛صیہونی اپوزیشن لیڈر کا اعتراف 

سچ خبریں:صیہونی اپوزیشن لیڈر یائیر لاپید اور دیگر حکام نے ایران کے حالیہ میزائل حملوں کو مہلک اور شدید قرار دیتے ہوئے اعتراف کیا ہے کہ اسرائیل نے ایک تکلیف دہ اور پریشان کن رات گزاری، بات یام میں اب بھی لاپتہ افراد کی تلاش جاری ہے۔

صہیونی حکومت کے اپوزیشن رہنما یائیر لاپید نے ایران کے حالیہ میزائل حملوں کی شدت کا اعتراف کرتے ہوئے کہا کہ ہم نے ایک انتہائی کٹھن رات گزاری، ایران کے مہلک میزائل حملوں کے سائے میں گزری شب واقعی بہت بھاری تھی،یہ بیان الجزیرہ کی رپورٹ کے مطابق جاری کیا گیا، جس میں لاپید نے واضح طور پر ایران کے جوابی حملے کو ایک شدید صدمہ قرار دیا۔

اس سے قبل، اسرائیلی صدر بھی یہ تسلیم کر چکے ہیں کہ ہم ایک بہت ہی مشکل اور پریشان کن صبح کا آغاز کر رہے ہیں،اسی دوران، اسرائیلی اندرونی محاذ کے کمانڈر نے کہا کہ گزشتہ رات اسرائیل کے لیے بے حد سخت تھی، اور اب بھی ہم بات یام میں لاپتہ افراد کی تلاش میں مصروف ہیں۔

مزید پڑھیں:اسرائیل ایرانی میزائیلز کو روکنے میں ناکام، ہنگامی صورتحال کا اعلان

یاد رہے کہ ایران نے صیہونی دہشتگردانہ حملوں کے جواب میں آپریشن وعدہ صادق 3 کے تحت درجنوں میزائل اور ڈرونز داغے، جنہوں نے اسرائیل کے دفاعی نظام کو بے اثر کر دیا۔ حملے عید غدیر کی شب کو انجام پائے، اور صہیونی ریاست کے مختلف علاقوں میں شدید نقصان اور افراتفری کا باعث بنے۔