ایران پر حملہ امریکہ کے لیے کیسا رہا؟؛چین کی زبانی

سچ خبریں:چین نے ایران کی جوہری تنصیبات پر امریکی حملے کو واشنگٹن کی ساکھ کے لیے نقصان دہ قرار دیا ہے اور خبردار کیا ہے کہ صورتحال قابو سے باہر ہو سکتی ہے۔

چین نے خبردار کیا ہے کہ ایران کی جوہری تنصیبات پر امریکی حملے نہ صرف ایران کو نقصان پہنچا رہے ہیں بلکہ خود امریکہ کے بین الاقوامی اعتبار کو بھی شدید متاثر کر رہے ہیں،چینی حکومت نے موجودہ صورتحال کو قابو سے باہر ہونے کے خطرے کی گھنٹی قرار دیا ہے۔

یہ بھی پڑھیں:اسرائیل نے ایران کے سامنے ہتھیار ڈال دیے ؛نیتن یاہو کو جنگ بندی پر مجبور ہونا پڑا

چینی سرکاری ٹی وی CCTV کی رپورٹ کے مطابق، اقوام متحدہ میں چین کے سفیر فو کونگ نے ایک بیان میں کہا کہ تمام فریقین کو طاقت کے استعمال کی خواہش پر قابو پانا چاہیے اور مزید کشیدگی یا اشتعال انگیزی سے باز رہنا چاہیے۔

فو کونگ نے مزید کہا کہ اگرچہ ایران اس حملے میں متاثر ہوا ہے، لیکن امریکہ کو بھی نقصان پہنچا ہے نہ صرف ایک ملک کے طور پر بلکہ ایک بین الاقوامی مذاکراتی فریق کے طور پر بھی۔

مزید پڑھیں:ایران اسرائیل جنگ میں امریکی مداخلت عالمی جنگ کا باعث بنے گی۔ لیاقت بلوچ

انہوں نے تاکید کی کہ عالمی برادری کو چاہیے کہ وہ اس تنازعے کو مزید بڑھنے سے روکنے کے لیے سنجیدہ اقدامات کرے، تاکہ مشرقِ وسطیٰ کی صورتحال مزید عدم استحکام کا شکار نہ ہو۔