صوبہ بلوچستان میں بم دھماکہ

26 جنوری 2025

سچ خبریں:پاکستان کے جنوب مغربی صوبے بلوچستان میں ایک زور دار دھماکے کے نتیجے میں کم از کم ایک شخص ہلاک اور سات زخمی ہو گئے ہیں، یہ واقعہ خضدار کے علاقے میں پیش آیا، جو بلوچستان کے پُر خطر اور شورش زدہ علاقوں میں شمار ہوتا ہے۔

اناطولیہ نیوز ایجنسی کی رپورٹ کے مطابق بلوچستان میں ایک زور دار دھماکے کے نتیجے میں کم از کم ایک شخص ہلاک اور سات زخمی ہو گئے ہیں،بلوچستان کے سینئر حکومتی افسر یاسر اقبال دشتی نے تصدیق کی کہ یہ دھماکہ خضدار میں ایک بس کے قریب ہوا۔

یہ بھی پڑھیں: بلوچستان میں دہشت گردی ملک کو کمزور کرنے کیلئے کی جارہی ہے، خواجہ آصف

ابتدائی تحقیقات کے مطابق، دھماکہ ایک دیسی ساختہ بم کے ذریعے کیا گیا تھا، جو ایک گاڑی میں سڑک کے کنارے کھڑی کی گئی تھی۔

یہ دھماکہ اس وقت ہوا جب علاقے میں معمول کے مطابق عوامی نقل و حرکت جاری تھی، جس سے بس کے قریب موجود لوگ متاثر ہوئے، زخمیوں کو فوری طور پر مقامی اسپتال منتقل کیا گیا، جہاں بعض کی حالت تشویشناک بتائی جا رہی ہے۔

پولیس اور بم ڈسپوزل اسکواڈ نے جائے وقوعہ کا معائنہ کیا اور دھماکے کے لیے استعمال ہونے والے بم کو دیسی ساختہ قرار دیا۔

حکام کا کہنا ہے کہ یہ ایک منظم کارروائی تھی، تاہم ابھی تک کسی گروہ نے اس حملے کی ذمہ داری قبول نہیں کی ہے۔

بلوچستان پاکستان کا شورش زدہ صوبہ ہے جہاں اکثر دہشت گردانہ حملے اور بم دھماکے ہوتے رہتے ہیں۔

اس علاقے میں علیحدگی پسند گروہوں اور عسکری تنظیموں کی سرگرمیاں پچھلے کئی برسوں سے جاری ہیں، جو کہ پاکستان کی سیکیورٹی کے لیے بڑا چیلنج بنی ہوئی ہیں۔

حکام نے علاقے میں سیکیورٹی بڑھا دی ہے اور تحقیقات جاری ہیں۔ مقامی انتظامیہ نے اس واقعے کی شدید مذمت کرتے ہوئے عوام سے محتاط رہنے کی اپیل کی ہے۔

اس واقعے کے بعد علاقے کے عوام میں خوف و ہراس پھیل گیا ہے، جبکہ سماجی حلقوں نے حکومت سے اس قسم کے واقعات کو روکنے کے لیے مزید سخت اقدامات اٹھانے کا مطالبہ کیا ہے۔

مزید پڑھیں: قتل و غارت کرنے والے بلوچستان کے عوام ہی نہیں پاکستان کے بھی دشمن ہیں، وزیراعظم

بلوچستان میں عوامی مقامات اور نقل و حرکت کے راستوں پر سیکیورٹی کے اضافی انتظامات کی ضرورت پر زور دیا جا رہا ہے۔