ایلان مسک کی ٹرمپ حکومت سے علیحدگی

?️ 30 مئی 2025

سچ خبریں:ٹیسلا کے سی ای او ایلان مسک نے امریکی صدر ڈونلڈ ٹرمپ کی حکومت میں 4 ماہ کام کرنے کے بعد بغیر کسی رسمی ملاقات کے استعفیٰ دے دیا۔ انہوں نے حکومتی اصلاحات کے شعبے سے علیحدگی اختیار کر لی۔

ترک خبررساں ایجنسی اناطولی کی رپورٹ کے مطابق ٹیسلا کے متنازع سی ای او، ایلان مسک نے اعلان کیا ہے کہ ٹرمپ انتظامیہ میں ان کا کردار ختم ہو چکا ہے۔

یہ بھی پڑھیں:ایلان ماسک کا امریکی وزارت خزانہ میں وسیع پیمانے پر خورد برد کا انکشاف

رپورٹ کے مطابق، ایلان مسک نے تقریباً چار ماہ کے پرہنگام تعاون کے بعد امریکی صدر ڈونلڈ ٹرمپ کی حکومت سے علیحدگی اختیار کر لی ہے،وہ وفاقی حکومت کی ساخت میں اصلاحات کے مقصد سے خصوصی ملازم کے طور پر خدمات انجام دے رہے تھے،ایلان مسک نے صدر ٹرمپ کا شکریہ ادا کرتے ہوئے کہا کہ انہوں نے غیرضروری اخراجات کم کرنے کا موقع فراہم کیا، جو ایک اہم قدم تھا۔

مسک نے مزید کہا کہ انہیں یقین ہے کہ ادارہ کارکردگی حکومت (DOGE) کا مشن اب مزید مضبوطی سے آگے بڑھے گا،العربیہ کے مطابق ایلان مسک کی علیحدگی فوری نوعیت کی تھی اور اس سلسلے میں امریکی صدر سے کوئی باضابطہ ملاقات یا مشاورت نہیں کی گئی،باخبر ذرائع کا کہنا ہے کہ مسک کا استعفیٰ اعلیٰ سطح کے عملے کی مشاورت سے کیا گیا ہے۔

یہ علیحدگی ایسے وقت پر ہوئی ہے جب ایلان مسک نے حال ہی میں ریپبلکن پارٹی کے مجوزہ ٹیکس قانون پر شدید تنقید کی تھی، جسے انہوں نے مہنگا اور ادارہ کارکردگی حکومت کے عملے کی کوششوں کو کمزور کرنے والا قرار دیا تھا۔

مزید پڑھیں:ایلان ماسک کی جانب سے ایک خیریه ادارے کو منسوخ کرنے کا حکم جاری 

گزشتہ چند ہفتوں کے دوران مسک کی متعدد سرکاری اور نجی جھڑپیں بھی حکومتی اہلکاروں سے ہو چکی تھیں جن میں وائٹ ہاؤس کے تجارتی مشیر پیٹر ناوارو بھی شامل تھے۔ مسک نے ناوارو کو کھلے عام احمق بھی کہا تھا۔