واشنگٹن ایف بی آئی دفتر کے قریب فائرنگ کے واقعے کی تفصیلات

واشنگٹن ایف بی آئی دفتر کے قریب فائرنگ کے واقعے کی تفصیلات

?️

سچ خبریں:واشنگٹن ڈی سی میں ایف بی آئی کے دفتر کے قریب اسرائیلی سفارت کے اہلکاروں پر فائرنگ کا واقعہ، دو ہلاک، متعدد زخمی۔ ملزم الیاس رودریگز گرفتار، فلسطین کے حق میں نعرے۔ سکیورٹی اقدامات سخت، امریکی و اسرائیلی حکام کا ردعمل۔

روئٹرز نیوز ایجنسی کی رپورٹ کے مطابق امریکی دارالحکومت واشنگٹن ڈی سی میں واقع موزه یہود کے باہر فائرنگ کے افسوسناک واقعے میں اسرائیلی سفارت خانے کے دو اہلکار ایک مرد اور ایک خاتونجاں بحق اور متعدد زخمی ہو گئے، یہ واقعہ ایک ایسے علاقے میں پیش آیا جہاں ایف بی آئی کا علاقائی دفتر اور متعدد سرکاری عمارتیں واقع ہیں، جس کے باعث سیکورٹی انتظامات مزید سخت کر دیے گئے ہیں۔
پولیس کے مطابق، فائرنگ اس وقت ہوئی جب اسرائیلی سفارت کے اہلکار موزه یہود سے ایک تقریب کے بعد باہر نکل رہے تھے۔ حملہ آور نے قریب سے ان پر گولی چلائی،عینی شاہدین کے مطابق، 30 سالہ حملہ آور الیاس رودریگزجو شیکاگو کا رہائشی ہے ،فائرنگ سے پہلے علاقے میں مشکوک طور پر گھوم رہا تھا اور اس وقت نیلی جیکٹ پہنے ہوئے تھا۔
فوری کارروائی کے بعد پولیس نے ملزم الیاس رودریگز کو گرفتار کر لیا۔ گرفتاری کے وقت اور دورانِ تفتیش وہ بار بار فلسطین کو آزاد کرو کے نعرے لگاتا رہا اور کہا کہ اس نے یہ حملہ غزہ کے عوام کے لیے کیا،امریکی میڈیا کے مطابق، ملزم سے تفتیش جاری ہے جبکہ علاقے کی نگرانی مزید سخت کر دی گئی ہے۔
واقعہ ایف بی آئی واشنگٹن فیلڈ آفس کے قریب پیش آیا، جس کے فوراً بعد پولیس نے متعدد سڑکیں بند کر دیں اور جارج ٹاؤن یونیورسٹی کے اردگرد ایمرجنسی نافذ کر دی،مقامی حکام نے دیگر ممکنہ حملہ آوروں کی تلاش بھی شروع کر دی ہے اور واشنگٹن بھر میں سفارتی و یہودی مراکز کی سیکورٹی بڑھا دی گئی ہے۔
اسرائیل کے اقوام متحدہ میں سفیر دنی دانون نے واقعے کو یہود مخالف دہشت گردی قرار دیا جبکہ امریکی صدر ڈونلڈ ٹرمپ نے اسے ہولناک قرار دیتے ہوئے کہا کہ نفرت انگیزی اور انتہا پسندی کی امریکہ میں کوئی جگہ نہیں۔
امریکی وزیرِ داخلی سلامتی کریستی نوم نے کہا، ہم اس مجرم کو اس کے انجام تک پہنچائیں گے،اسرائیلی صدر اسحاق ہرتزوگ اور وزیر خارجہ نے بھی واقعے پر گہرے دکھ کا اظہار کیا اور امریکہ سے مکمل تعاون کا مطالبہ کیا،امریکی و اسرائیلی حکام کے مطابق، موجودہ حالات میں سفارتی عملے کو پہلے سے زیادہ خطرات لاحق ہیں۔
پولیس اور ایف بی آئی نے واقعے کی تفتیش کا آغاز کر دیا ہے۔ مقامی اور وفاقی ادارے مسلسل رابطے میں ہیں جبکہ فیلڈ آفس سمیت اہم مقامات پر سیکورٹی ہائی الرٹ ہے،مقامی میڈیا کے مطابق، ملزم کے کسی گروہ سے تعلق کی بھی تفتیش کی جا رہی ہے۔

مشہور خبریں۔

عین الاسد میں ایک بار پھر خطرے کے سائرن کی آواز

?️ 6 جون 2021سچ خبریں:اتوار کی صبح مغربی عراق کے صوبہ الانبار میں واقع امریکی

6 بڑے یورپی ممالک کی یوکرین کی فوجی امداد میں کٹوتی

?️ 20 اگست 2022سچ خبریں:نئے اعداد و شمار اور معلومات سے پتہ چلتا ہے کہ

اربیل میں صیہونی کانفرانس میں شرکت کرنے والی عراقی وزارت ثقافت کی ملازم نوکری سے برخاست

?️ 1 اکتوبر 2021سچ خبریں:عراقی وزارت ثقافت کی ایک خاتون ملازمین کو اربیل میں صہیونی

بی بی سی اردو کی خبر مکمل طور پر بے بنیاد اور جھوٹ کا پلندا ہے:آئی ایس پی آر

?️ 10 اپریل 2022راولپنڈی (سچ خبریں) آئی ایس پی آر کے مطابق وزیر اعظم ہاؤس

سعودی حکومت مخالفین کا پھانسیوں کی سزاؤں میں اضافے کے بارے میں کا بیان

?️ 6 جون 2023سچ خبریں:سعودی حکومت مخالفین نے اعلان کیا کہ ریاض کی طرف سے

تم غنڈے اور بدمعاش ہو : چین کا امریکہ سےخطاب

?️ 18 اگست 2022سچ خبریں:    چینی وزارت خارجہ کے ترجمان وانگ وین بن نے

یوکرین جنگ کا رخ بدل دینے والے تین ہتھیار

?️ 27 فروری 2023سچ خبریں:سی این این نیوز چینل نے اپنی ایک رپورٹ میں یوکرین

انسداد دہشتگردی عدالت پروین رحمان قتل کیس کا فیصلہ سنا دیا

?️ 17 دسمبر 2021کراچی (سچ خبریں)  میڈیا رپورٹس کے مطابق انسداد دہشتگردی عدالت نے اورنگی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے