کورونا وائرس سے مقابلے میں جو بائیڈن مکمل طور پر ناکام ہوگئے

?️ 22 جون 2021

واشنگٹن (سچ خبریں) امریکی صدر جو بائیڈن کورونا وائرس کے خلاف اپنے مقاصد کو حاصل کرنے میں مکمل طور پر ناکام ہوگئے ہیں اور انہوں نے کورونا سے مقابلہ کرنے کے بارے میں جو جو بھی وعدے کیئے تھے وہ سب جھوٹے ثابت ہوچکے ہیں۔

تفصیلات کے مطابق امریکی صدر جو بائیڈن نے چار جولائی تک 70 فیصد امریکیوں کو قطرے پلانے کا وعدہ کیا تھا، جب کہ امریکہ میں ویکسینیشن کی رفتار سست ہوگئی ہے اور لوگوں کو ویکسین لینے کی ترغیب دینے کے لئے 10 لاکھ ڈالر کی لاٹری لگائی جارہی ہے۔

موصولہ اطلاعات کے مطابق جو بائیڈن کا کورونا وائرس کے خلاف دوسرا ہدف یہ تھا کہ وہ جون کے آخر تک ویکسین کی 80 ملین خوراکیں دوسرے ممالک میں پہنچائیں گے، لیکن امریکہ کے حالات دیکھ کر ایسا لگتا ہے کہ جو بائیڈن آئندہ کئی دنوں تک اس مقصد تک پہونچنے میں کامیاب نہیں ہو پائیں گے۔

واضح رہے کہ پچھلے ہفتے، عالمی ادارہ صحت نے اعلان کیا تھا کہ کورونا وائرس کے پھیلنے کی رفتار ویکسین کی تقسیم سے کہیں زیادہ تیز ہے جو بہت خطرناک ثابت ہوسکتا ہے۔