کینیڈا کے سلسلہ میں رائے عامہ

?️ 22 جون 2021

سچ خبریں:اپنے آپ کو انسانی حقوق اور آزادی کا علمبردار کہلانے والے ملک کینیڈا میں کیے جانے والے ایک عوامی سروے سے پتا چلتا ہے کہ اس ملک کے ایک تہائی عوام اپنے ملک کو نسل پرست سمجھتے ہیں۔
اسپوٹنک نیوز ایجنسی کی رپورٹ کے مطابق کینیڈا کے اینگس ریڈ سروے انسٹیی ٹیوٹ کی جانب سے کرائے جانے والے تازہ ترین سروے میں شریک ایک تہائی شہریوں نے کینیڈا کو نسل پرست ملک قرار دیا ہے،رائے عامہ کا یہ جائزہ کینیڈا کے ایک متروکہ بورڈنگ اسکول کے احاطے سے دوسو پندرہ پچوں کی اجتماعی قبریں دریافت ہونے اور حال ہی میں ایک مسلم کنبے کو جان بوجھ کر ٹرک سے کچلنے کے واقعات کے درمیان انجام پایا ہے۔

اینگس ریڈ کے تازہ جائزے کے مطابق ہر تین میں سے ایک شہری کا کہنا تھا کہ کینیڈا نسل پرستانہ رجحان رکھنے والا ملک ہے،اس کے باوجود سروے میں شریک چھیاسی فیصد لوگوں کا خیال تھا کہ نسلی تنوع نے کینیڈا کو ایک بہتر ملک میں تبدیل کر دیا ہے اور تین چوتھائی افراد کا کہنا تھا کہ وہ کینیڈا کے اقلیتی سماج کے درمیان سکون محسوس کرتے ہیں۔
سحر