چین نے طالبان کو اہم پیشکش کردی

14 جولائی 2021

بیجنگ (سچ خبریں)  چین نے طالبان کو اہم پیشکش کرتے ہوئے کہا ہے کہ دہشت گردوں سے اپنے روابط منقطع کریں اور افغانستان کی سیاست میں واپسی کرتے ہوئے اہم کردار ادا کریں۔

تفصیلات کے مطابق چینی وزیر خارجہ نے اس بات پر زور دیا ہے کہ طالبان، افغانستان میں ایک اہم فوجی قوت کے طور پر، ملک اور قوم کے لئے اپنی ذمہ داری کو نبہائیں اور دہشت گردوں سے اپنے روابط منقطع کریں۔

انہوں نے کہا کہ اس گروپ کو بھی دہشت گرد قوتوں سے تعلقات منقطع کرنے چاہئیں اور ذمہ داری کے ساتھ مرکزی دھارے میں شامل ہوکر افغانستان کی سیاست میں واپس آنا چاہئے۔

وانگ یی نے بدھ کے روز، اتحاد، معاشرتی استحکام اور زندگی کو بہتر بنانے کے لئے افغان حکومت کی کوششوں کا ذکر کرتے ہوئے کہا کہ بیجنگ کا خیال ہے کہ افغانستان میں مختلف جماعتوں اور نسلی گروہوں کے پاس مسائل کو حل کرنے اور اپنے ملک کو اچھی طرح سے منظم کرنے کی دانشمندی اور صلاحیت موجود ہے۔

انہوں نے اپنے بیان کے ایک اور حصے میں افغان عوام کے ذریعہ افغان خود مختاری اور قیادت کے اصول اور افغان عوام کے تعاون سے ایک سیاسی ڈھانچے کی تشکیل کے لئے اپنے ملک کی حمایت کا ذکر کرتے ہوئے کہا کہ ایک ہمسایہ کی حیثیت سے، چین نے ہمیشہ افغانستان کی خودمختاری اور علاقائی سالمیت کا احترام کیا ہے اور وہ کی عوام کے ساتھ دوستانہ سیاست اور داخلی معاملات میں عدم مداخلت کے اصول کے ساتھ پوری طرح پرعزم ہے۔

چینی وزیر خارجہ نے تین اہم نکات پر بھی زور دیا، جن میں مکمل طور پرخانہ جنگی کی روک تھام، جلد از جلد اندرونی مذاکرات کا آغاز اور افغانستان میں دہشت گرد قوتوں کے پھیلاؤ کو روکنا شامل ہیں۔