بائیڈن کے مشیروں نے ان دماغی کمزوری سے فائدہ اٹھایا؛ٹرمپ کا الزام 

بائیڈن کے مشیروں نے ان دماغی کمزوری سے فائدہ اٹھایا؛ٹرمپ کا الزام 

?️

سچ خبریں:امریکی صدر ڈونلڈ ٹرمپ نے الزام عائد کیا ہے کہ اس ملک کے سابق صدر جو بائیڈن کے قریبی مشیروں نے ان کی دماغی کمزوری کا فائدہ اٹھا کر اپنی مرضی کی غیر قانونی پالیسیاں نافذ کیں۔ ٹرمپ نے یہ بھی کہا کہ بائیڈن کبھی بھی کھلی سرحدوں کے حامی نہیں تھے۔

رشیا ٹوڈی کی رپورٹ کے مطابق امریکی صدر ڈونلڈ ٹرمپ نے اس ملک کے سابق صدر جو بائیڈن کے سینئر مشیروں پر سنگین الزامات عائد کرتے ہوئے کہا ہے کہ انہوں نے بائیڈن کی دماغی و جسمانی کمزوری کا فائدہ اٹھا کر اپنی مرضی کی غیرقانونی پالیسیاں نافذ کیں اور اس عمل کو اعلیٰ ترین سطح کی غداری قرار دیا ہے۔
رپورٹ کے مطابق  امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر پیغام دیتے ہوئے دعویٰ کیا کہ اس ملک کے سابق صدر بائیڈن کے مشیروں نے ان کی ذہنی حالت سے فائدہ اٹھا کر وہ پالیسیاں لاگو کیں جن کی بائیڈن نے کبھی حمایت نہیں کی تھی۔
ٹرمپ نے کہا کہ بائیڈن کبھی بھی کھلی سرحدوں کے حامی نہیں تھے اور امریکہ میں غیر قانونی تارکین وطن کی یلغار ان مشیروں کی منصوبہ بندی اور منظوری سے ہوئی، جو آٹو سگنیچر مشین کو کنٹرول کرکے عملی طور پر صدارت اپنے ہاتھ میں لے چکے تھے، اس عمل کو انہوں نے صدارت کی چوری سے تعبیر کیا۔
ٹرمپ کے مطابق، غیر قانونی تارکین وطن کی یلغار نے امریکہ پر سینکڑوں ارب ڈالر کے اخراجات کا بوجھ ڈال دیا ہے، انہوں نے کہا کہ جو بائیڈن، جیسا کہ سب جانتے ہیں، کبھی بھی یہ اجازت نہیں دیتے کہ منشیات فروش، جرائم پیشہ افراد اور ذہنی مریض بغیر کسی جانچ پڑتال کے ملک میں داخل ہوں، انہوں نے مزید کہا کہ اگر کوئی بائیڈن کی پرانی سیاست دیکھے تو سب واضح ہوجاتا ہے۔
ٹرمپ نے دعویٰ کیا کہ امریکہ کی سرحدیں بائیڈن کی مرضی سے نہیں بلکہ ان کے اردگرد کے لوگ کھول رہے ہیں، جو ان کی ذہنی حالت سے واقف تھے اور آٹو سگنیچر مشین کا فائدہ اٹھا رہے تھے۔
 ٹرمپ نے مزید کہا کہ یہ اعلیٰ ترین سطح کی غداری ہے اور ان خائن عناصر کو سخت سزا ملنی چاہیے، انہوں نے کہا کہ یہ وہی لوگ ہیں جو امریکہ کو تباہ کرنا چاہتے تھے لیکن وہ ناکام ہوگئے کیونکہ ٹرمپ واپس آگئے۔
یہ الزامات ایک ایسے وقت میں سامنے آئے ہیں جب صدر بائیڈن کی صحت کے حوالے سے تشویشات بڑھتی جارہی ہیں۔ حال ہی میں ان کے دفتر نے انکشاف کیا ہے کہ سابق صدر کو جارحانہ پروسٹیٹ کینسر کی تشخیص ہوئی ہے۔
اگرچہ ٹرمپ نے کھلے عام بائیڈن کی صحت یابی کے لیے نیک تمناؤں کا اظہار کیا، تاہم انہوں نے اس طبی تشخیص کے اعلان کے وقت پر سوال اٹھایا اور کہا کہ یہ خبر بہت پہلے منظر عام پر آنی چاہیے تھی۔

مشہور خبریں۔

اسد عمر میں اہل کراچی کو بڑی خوشخبری سنا دی

?️ 5 دسمبر 2021اسلام آباد(سچ خبریں) وفاقی وزیر برائے منصوبہ بندی اسد عمر نے کراچی

سابق صیہونی وزیر اعظم کے موبائل فون اور سوشل میڈیا اکاؤنٹس ہیک

?️ 18 دسمبر 2025 سابق صیہونی وزیر اعظم کے موبائل فون اور سوشل میڈیا اکاؤنٹس

امریکہ کے لیے ایران کے خلاف آپشنز محدود اور مہنگے ہیں: ماہرین اقتصاد

?️ 28 جولائی 2026سچ خبریں: دی اکانومسٹ میگزین نے رپورٹ کیا ہے کہ ایران کے

بحیرہ احمر میں امریکہ اور برطانیہ کی حالت زار

?️ 6 فروری 2024سچ خبریں: یمنی مسلح افواج کے ترجمان نے بحیرہ احمر میں دو

Skateboarders Indonesia Ready to Win at the 2018 Asian Games

?️ 14 اگست 2022Strech lining hemline above knee burgundy glossy silk complete hid zip little

فلسطینی نوجوانوں کا قتل اسرائیل کے لیے عالمی رسوائی؛صیہونی میڈیا

?️ 29 نومبر 2025سچ خبریں:صہیونی میڈیا نے غربِ اردن میں دو فلسطینی نوجوانوں کے قتل

پی ٹی آئی کو قوم سے معافی مانگنی چاہیے۔ عطا تارڑ

?️ 31 جنوری 2026اسلام آباد (سچ خبریں) وفاقی وزیر اطلاعات عطا تارڑ نے کہا ہے

قطر پر حملہ عرب ممالک کے امریکہ پر اعتماد میں کمی کا باعث بنا: واشنگٹن پوسٹ

?️ 13 ستمبر 2025سچ خبریں: امریکی اخبار واشنگٹن پوسٹ کی رپورٹ کے مطابق، اسرائیلی ریاست کی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے