یمن کے حملے کیسے رک سکتے ہیں؟صیہونی اخبار کا اعتراف

یمن کے حملے کیسے رک سکتے ہیں؟صیہونی اخبار کا اعتراف

?️

سچ خبریں:صیہونی اخبار نے اعتراف کیا ہے کہ یمنی حملے صرف غزہ کا محاصرہ ختم کرنے سے ہی رک سکتے ہیں اس لیے کہ اسرائیل اور امریکہ، یمن کے حملے روکنے میں مکمل طور پر ناکام ہوچکے ہیں۔

عربی خبر رساں ادارے المسیرہ  کی رپورٹ کے مطابق صہیونی اخبار اسرائیل ہیوم نے اپنی تازہ رپورٹ میں اس بات کا اعتراف کیا ہے کہ اسرائیل اور امریکہ یمنی حملے روکنے میں ناکام ہوچکے ہیں، اور صرف غزہ کا محاصرہ ختم کرنا ہی یمنی حملوں کو روکنے کا واحد راستہ ہے۔
رپورٹ کے مطابق اسرائیلی اخبار نے ایک تفصیلی رپورٹ میں کہا ہے کہ یمن کی جانب سے ہونے والی کارروائیاں، ان میں وسعت اور ان کے تسلسل کے باعث اسرائیل کی تمام کوششیں ناکام ہو گئی ہیں۔
اخبار کے مطابق صہیونی حکومت نے غزہ اور یمن کے درمیان سمندری اور فضائی محاصرہ لگانے کی کوشش کی، مگر اس کے اثرات انتہائی محدود رہے ہیں۔
اخبار نے اس بات کی بھی نشاندہی کی کہ صنعا انٹرنیشنل ایئرپورٹ کی دوبارہ بحالی اس بات کی علامت ہے کہ یمن پر کیے گئے حملوں کے اثرات محدود ہیں۔
مزید براں، اخبار نے اس حقیقت کو اجاگر کیا کہ بن گورین ایئرپورٹ پر یمنی میزائل حملہ ناکام ثابت ہوا اور یہ سوال اُٹھایا کہ کیا یہ حملہ اسرائیل کے لیے فضائی محاصرہ کافی ہے؟
اسرائیل ہیوم نے مزید لکھا کہ اب تک کی تمام کوششیں یمنی کارروائیوں کو روکنے میں ناکام رہی ہیں اور اس مسئلے کا حل صرف اور صرف غزہ کی جنگ کو ختم کرنے اور فوری جنگ بندی سے جڑا ہے۔
اخبار کے مطابق، جب تک غزہ میں جنگ جاری رہے گی، اسرائیلی کابینہ اور وزیراعظم بنیامین نیتن یاہو کو یمن سے مسلسل حملے برداشت کرنے پڑیں گے۔
رپورٹ میں کہا گیا ہے کہ یمنیوں نے اپنی جنگی حکمت عملی اور میزائل داغنے کی مسلسل صلاحیت کا بھرپور مظاہرہ کیا ہے، جبکہ امریکہ اور سعودی عرب کی جارحیت کے مقابلے میں یمنی دفاع اور مزاحمت کی صلاحیت بھی نمایاں رہی ہے۔
اخبار نے اس بات کا اعتراف کیا کہ یمن نے اپنی عسکری طاقت اور خود انحصاری کی بدولت نہ صرف اسرائیل بلکہ اس کے اتحادیوں کے لیے بھی مشکلات پیدا کر دی ہیں، اور یمنی فورسز ہتھیار سازی میں بھی خود کفیل ہو چکی ہیں۔
رپورٹ کے مطابق، جب سے غزہ کی جنگ کا آغاز ہوا، یمن نے سرخ سمندر اور بحر ہند میں اسرائیل اور اس کے اتحادیوں کے خلاف حملے کیے اور جنوبی اسرائیلی بندرگاہ ام الرشراش (ایلات) کو تقریباً غیر فعال بنا دیا۔
 اس کے بعد، اسرائیل کی جانب سے غزہ پر نئے سرے سے محاصرہ عائد کرنے پر یمنی فورسز نے بن گوریون ایئرپورٹ اور حیفا کی بندرگاہ پر بھی حملے کیے اور اعلان کیا کہ وہ اسرائیل پر فضائی اور بحری پابندیاں عائد کریں گے۔

مشہور خبریں۔

ریاست ہرسال قیمتی جانوں اور املاک کے ضیاع کی متحمل نہیں ہوسکتی۔ فیلڈ مارشل عاصم منیر

?️ 14 ستمبر 2025ملتان (سچ خبریں) فیلڈ مارشل سید عاصم منیر نے قصور سیکٹر اور

امریکی طلباء کا غزہ میں اسرائیلی جرائم کے خلاف احتجاج

?️ 20 مئی 2024سچ خبریں: غزہ میں اسرائیل کے وحشیانہ اقدامات کے خلاف امریکی طلباء کے

اسرائیل کی معیشت کو ایک اور دھچکا: عبرانی میڈیا

?️ 29 ستمبر 2024سچ خبریں: اسرائیل ہیوم اخبار نے ہفتے کے روز اپنے انفارمیشن بیس میں

دہشتگردی پر ہمارا مؤقف واضح، سب کو متحد ہونا ہوگا۔ رانا ثناءاللہ

?️ 2 فروری 2026اسلام آباد (سچ خبریں) وزیراعظم کے مشیر برائے سیاسی امور رانا ثناء

’بلے‘ کے انتخابی نشان کی بحالی کیخلاف الیکشن کمیشن کی درخواست پر فیصلہ محفوظ

?️ 2 جنوری 2024اسلام آباد:(سچ خبریں) پاکستان تحریک انصاف (پی ٹی آئی) کے انٹرا پارٹی

کیا بندوق کے زور پر نظریے کو ختم کیا جاسکتا ہے؟

?️ 18 نومبر 2023سچ خبریں: اردن کے وزیرخارجہ ایمن الصفدی نے یہ کہتے ہوئے کہ

اسرائیل کے لیے سب سے بڑا خطرہ ہم ہیں ایران نہیں: موساد کے سابق سربراہ

?️ 11 جون 2022سچ خبریں:   موساد اسرائیل کی غیر ملکی انٹیلی جنس سروس کے سابق

عرب ممالک کا یمن کا مسئلہ حل کرنے کے لیے سید حسن نصر اللہ سے رابطہ

?️ 16 فروری 2022سچ خبریں:عرب ممالک نے سید حسن نصر اللہ کو پیغام بھیجا ہےکہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے