ہم نے دہشت گرد الجولانی کو اقتدار تک پہنچایا ؛امریکہ کا پہلا باضابطہ اعتراف

سچ خبریں:شام میں سابق امریکی سفیر رابرت فورڈ نے اعتراف کیا ہے کہ امریکہ اور یورپی ممالک نے ابومحمد الجولانی کو دہشت گردی سے سیاست کے میدان میں لانے میں اہم کردار ادا کیا،اس اہم اعتراف سے مغربی ممالک کے کردار پر سوالات اٹھ گئے ہیں۔

عراقی خبر رساں ایجنسی المعلومہ کی رپورٹ کے مطابق سابق امریکی سفیر برائے شام، رابرت فورڈ نے پہلی بار باضابطہ طور پر اعتراف کیا ہے کہ امریکہ اور یورپی ممالک نے دہشت گرد گروہ کے سرغنہ ابومحمد الجولانی کو شام میں اقتدار میں لانے میں کلیدی کردار ادا کیا۔

یہ بھی پڑھیں:شام میں الجولانی پر کندھوں پر رکھ کر کون بندوق چلا رہا ہے؟؛امریکی اخبار کی رپورٹ

رپورٹ کے مطابق، رابرت فورڈ نے ایک اہم انٹرویو میں کہا کہ امریکہ اور یورپ نے بالواسطہ طور پر ابومحمد الجولانی، جو کہ شام میں دہشت گرد تنظیم ہیئت تحریر الشام کا سربراہ ہے، کو دہشت گردی کے میدان سے سیاست میں لانے میں مدد فراہم کی۔

سابق سفیر رابرت فورڈ نے مزید انکشاف کیا کہ ایک یورپی ٹیم، جسے ایک غیر سرکاری ادارے کے ذریعے منتخب کیا گیا اور جس میں خود رابرت فورڈ بھی شامل تھے، نے 2023 میں اس وقت کام شروع کیا جب الجولانی اب بھی ادلب میں ہیئت تحریر الشام کا سربراہ تھا، اس ٹیم نے الجولانی کو سیاست کے میدان میں منتقل کرنے کے لیے اپنی سرگرمیاں شروع کیں۔

رابرت فورڈ کے مطابق، ان کی الجولانی سے پہلی ملاقات مارچ 2023 میں ہوئی، دوسری ملاقات ستمبر 2023 میں جبکہ تیسری ملاقات شام کے صدارتی محل میں ہوئی۔

 انہوں نے بتایا کہ امریکہ اور یورپ کی خواہش اور بشار الاسد کے خلاف احتجاجات کا فائدہ اٹھاتے ہوئے، الجولانی کو اقتدار تک پہنچایا گیا۔

مزید پڑھیں:امریکہ اور شامی عارضی حکومت کے درمیان تعلقات کا باقاعدہ آغاز

یہ پہلی بار ہے کہ کسی اعلیٰ سابق امریکی عہدیدار نے اس بات کا کھلے عام اعتراف کیا ہے کہ مغربی طاقتوں نے شام میں ایک دہشت گرد کو اقتدار میں لانے میں براہ راست یا بالواسطہ کردار ادا کیا۔