امریکہ کا ایران سے نیا مطالبہ

سچ خبریں:ٹرمپ کے مشرق وسطیٰ کے نمائندہ خصوصی اسٹیو ویٹکاف کا کہنا ہے کہ ایران کو یورینیم کی افزودگی کی ضرورت نہیں، اور اسے نطنز، فردو اور اصفہان میں موجود جوہری تنصیبات فوری طور پر ختم کرنی ہوں گی تاکہ ایک غیر فوجی جوہری پروگرام کو ممکن بنایا جا سکے۔

امریکہ کے سابق صدر ڈونلڈ ٹرمپ کے مشرق وسطیٰ کے لیے نمائندہ خصوصی اسٹیو ویٹکاف نے ایران کے ایٹمی پروگرام کے بارے میں شدید تحفظات کا اظہار کرتے ہوئے مطالبہ کیا ہے کہ تہران فوری طور پر نطنز، فردو اور اصفہان میں موجود یورینیم افزودگی کی تمام تنصیبات کو ختم کرے۔

یہ بھی پڑھیں:ایران کی جوہری تنصیبات پر حملے کی مزید بات ختم: واشنگٹن پوسٹ

انہوں نے امریکی ویب سائٹ بریٹبارٹ کو انٹرویو دیتے ہوئے کہا کہ ایران کو ایک غیر فوجی جوہری پروگرام کے لیے یورینیم کی افزودگی کی کوئی ضرورت نہیں ہے، اگر ایران واقعی بم بنانا نہیں چاہتا تو پھر اسے اپنی افزودگی بند کر دینی چاہیے۔

ایران نے اعتراف کیا ہے کہ وہ جوہری بم نہیں بنانا چاہتا، لیکن امریکہ چاہتا ہے کہ یہ بات عملی طور پر ثابت ہو،ایران کو اپنے تمام سینٹری فیوجز بند کرنا ہوں گے اور یورینیم کو دوسرے ممالک منتقل کرنا ہوگا،نطنز، فردو اور اصفہان جیسے تین بڑے جوہری مراکز کو مکمل طور پر ختم کیا جانا چاہیے،اگر ایران نے سنجیدگی کا مظاہرہ نہ کیا تو مذاکرات اتوار کو ختم کر دیے جائیں گے۔

انہوں نے یہ بھی کہا کہ ہم ایک کمزور معاہدہ نہیں چاہتے، اگر کوئی معاہدہ ہمارے معیار پر پورا نہیں اترتا تو ہم اس سے الگ ہو جائیں گے۔

ایران سے مطالبہ کیا جائے گا کہ وہ حماس، حزب اللہ اور حوثی گروہوں کو مالی و عسکری امداد دینا بند کرے،اگر مذاکرات کامیاب رہے تو یہ اقتصادی و ثقافتی امور تک وسعت اختیار کر سکتے ہیں۔

مزید پڑھیں:امریکہ کے متضاد پیغامات؛ ایران کے ساتھ مذاکرات یا دباؤ کا کھیل؟

ویتکاف نے امن از طریق قدرت (Peace through Strength) کی ٹرمپ پالیسی کا حوالہ دیتے ہوئے کہا کہ امریکہ فوجی کارروائی کے بجائے سفارت کاری اور مذاکرات کو ترجیح دیتا ہے، لیکن اگر ایران نے لچک نہ دکھائی تو دوسرا راستہ اختیار کیا جائے گا۔