شہادت اور اسارت کو ورثہ میں پانے والا مجاہد

?️ 1 فروری 2025

سچ خبریں:مزاحمت کا استعارہ بننے والے فلسیطنی مجاہد زکریا الزبیدی کی قید و شہادت کی داستان جنہوں نے مزاحمت کا جذبہ اپنے بزرگوں سے وراثت میں پایا۔

الزبیدی کی جدوجہد؛ خاندانی ورثہ
زکریا الزبیدی نے فلسطینی مزاحمت کا جذبہ اپنے بزرگوں سے وراثت میں پایا۔ ان کے تمام بھائی یا تو شہید ہو چکے ہیں یا اسرائیلی جیلوں میں قید رہے ہیں، حتیٰ کہ ان کے 21 سالہ بیٹے کو ان کی رہائی سے قبل صہیونی فورسز نے شہید کر دیا۔

یہ بھی پڑھیں: مزاحمت کی علامت اور صیہونی مظالم کا شکار فلسطینی خواتین

الجزیرہ نیوز چینل کی رپورٹ کے مطابق، زکریا الزبیدی، جو فلسطینی قیدیوں اور اسرائیلی قیدیوں کے تبادلے کے دوران غزہ میں رہا کیے گئے، الاقصیٰ شہداء بریگیڈ کے اہم کمانڈر اور فلسطینی آزادی کی جدوجہد کے سرگرم رہنما رہے ہیں۔

وہ 1976 میں پیدا ہوئے اور ان کا خاندان صہیونی قبضے کے خلاف عسکری کارروائیوں میں سرگرم رہا ہے، انہوں نے انتفاضہ ثانی کے دوران الاقصیٰ بریگیڈ کی قیادت سنبھالی تھی۔

زکریا الزبیدی؛ اسرائیلی ہٹ لسٹ پر
الزبیدی کئی سالوں تک اسرائیلی فوج کے سب سے مطلوب افراد میں شامل رہے، ان کا نام اس وقت عالمی سطح پر گونجا جب 2021 میں جلبوع جیل سے فرار ہونے والے چھ فلسطینی قیدیوں میں شامل تھے، جس نے اسرائیلی سیکیورٹی اداروں کے لیے شدید خفت کا باعث بنا۔

خاندانی قربانیاں
زکریا الزبیدی کا خاندان کئی دہائیوں سے اسرائیلی جبر کا نشانہ رہا ہے، ان کی والدہ 2002 میں جنین کیمپ پر اسرائیلی حملے کے دوران شہید ہوئیں۔

اسرائیلی فوج نے تین مرتبہ ان کے گھر کو مسمار کیا، جبکہ ان کے بھائی سالوں تک اسرائیلی قید میں رہے، ان کے بھائی طہ 2002 میں اسرائیلی فضائی حملے میں شہید ہوئے، جبکہ داوود 2022 میں قابض فوج سے مسلح جھڑپ کے دوران شہید ہوئے۔

تعلیم اور قید کی صعوبتیں
الزبیدی نے ابتدائی تعلیم جنین کیمپ میں حاصل کی اور بعد ازاں اسٹیج شو کی تعلیم حاصل کی، لیکن متعدد گرفتاریاں ان کی تعلیم میں رکاوٹ بنیں۔

تاہم، انہوں نے سیاسیات اور سوشیالوجی میں مطالعہ جاری رکھا اور بعد میں القدس یونیورسٹی سے سوشیالوجی میں بیچلرز اور برزیت یونیورسٹی سے ماسٹرز مکمل کیا۔

مسلح جدوجہد اور اسرائیلی انتقام
انہوں نے 13 سال کی عمر میں مزاحمت کا آغاز کیا اور اسرائیلی مظالم کے خلاف ہونے والے احتجاج میں زخمی ہوئے۔ 1989 میں پہلی بار چھ ماہ کے لیے قید کیے گئے اور اس کے بعد 4.5 سال تک اسرائیلی جیل میں رہے۔

انتفاضہ ثانی کے دوران، وہ الاقصیٰ بریگیڈ کے اہم کمانڈرز میں شامل ہو گئے اور کئی آپریشنز میں حصہ لیا، 2002 میں اسرائیل نے انہیں لیکوڈ پارٹی کے ہیڈکوارٹر پر حملے کا ماسٹر مائنڈ قرار دیا اور انہیں انتہائی مطلوب افراد کی فہرست میں شامل کر لیا۔

آزادی کی سرنگ
زکریا الزبیدی کی سب سے بڑی شہرت 2021 میں جلبوع جیل سے سرنگ کے ذریعے فرار کی کامیاب کوشش تھی، جس میں وہ پانچ دیگر فلسطینی قیدیوں کے ساتھ شامل تھے۔

مزید پڑھیں: فلسطینی خواتین کے خلاف تشدد میں اضافے پر اقوام متحدہ کی تشویش کا اظہار

یہ واقعہ اسرائیلی سیکیورٹی ایجنسیوں کے لیے ایک بڑی ناکامی ثابت ہوا، تاہم، چند دن بعد دوبارہ گرفتار ہونے کے بعد انہیں شدید تشدد کا نشانہ بنایا گیا، جس میں ان کے جبڑے اور بازو کی ہڈیاں ٹوٹ گئیں۔

2025 میں رہائی
بالآخر، 2025 میں زکریا الزبیدی کو اسرائیلی قید سے آزاد کر دیا گیا۔ لیکن ان کی آزادی کے بعد بھی، ان کی کہانی فلسطینی مزاحمت کی علامت بنی رہے گی۔